1 Timote 5:10 - MUKANDA WA MYIDI MUKULU

¹⁰ Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

1 Timote 5:10 교차 참조

Genese 18:4

Banupeshe mayi, nowe ku makasa, nuikishe kuinshi kua mutshi ewu.

Genese 19:2

— Bakalenga banyi, bu nuenu basue, kanupitshi to. Tuyayi ku mbelu. Nowa mayi ku makasa, nulale. Patshiabu dinda nenutungunuke ne luendu luenu. Bobu kuandamuna ne: — Tudi tulala anu pambelu muaba utudi ewu.

Genese 24:32

Kuyabu ne muena mudimu wa Abrahame pambelu. Bafika, kutululabu bintu bionsu bivua tumelu tuambule. Kutulabu kabidi bisosa ne mashinda bua kutudisha. Kutuadilabu muena mudimu, ne bantu bavuaye nabu, mayi a kuowa ku makasa.

Genese 43:24

Kubuejaye bana babu bonsu ne Yozefe mu nzubu muende. Kubapeshaye mayi a kuowa ku makasa. Kufilaye kabidi ne bisosa bia kudisha mpunde yabu.

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Lewitiki 25:35

“Padi muanenu, nansha muenyi udi mu ditunga dienu, muikale mu dikenga, kayi ne mushindu wa kukumbaja bionsu bivuaye munulaye, numuambuluishe bua asombe nenu bimpe.

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 7:38

Kuimanaye panyima pa Yezu, ku makasa ende. Uvua udila, ubolesha makasa a Yezu ne binsonji. Uvua wakupula ne nsuki yende, watua mishiku, walaba manananshi.

Luke 7:44

Pashishe Yezu ukudimuka kudi mukaji, kuambila Simone ne: — Udi mumone mukaji ewu anyi? Meme kufika kuebe, kuena mumpeshe mayi a kuowa ku makasa. Kadi yeye mmungoweshe makasa ne binsonji biende, muakupule ne nsuki yende.

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Bienzedi 22:12

Momu amu muvua muntu, diende Ananiyase, munangi wa Mvidi Mukulu, uvua ukumbaja bimpe mikenji yetu. Bena Yuda bonsu ba mu tshimenga atshi bavua bamuanyisha.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Bienzedi 9:36

Mu Yope muvua mukaji muena ditaba, dina diende Tabita (ke “Dorkase” mu buena ngreke, mmomumue ne “ngulungu.”) Uvua wenza malu mempe a bungi, wambuluisha kabidi bapele.

Bienzedi 9:39

Petro kuya ne bantu babidi aba diakamue. Ufika, kumubandishabu ku tshibambalu tshia kulu. Bakamba bonsu kumujingila ne miadi, bamuleja bilamba bia pambidi ne binkutu bivua Dorkase mutele, patshivuaye ne muoyi.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

1 Timote 2:10

Kadi badilengeje ne malu mimpe adibu benza. Ke bidi bakaji badi banemeka Mvidi Mukulu ne bua kuenza.

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

1 Timote 3:7

Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

1 Timote 5:16

Kadi mukaji muena ditaba muikale ne bana babu bakaji bakamba, abambuluishe, bua Tshisumbu tshia bena ditaba katshiditatshishi nabu. Nanku netshimone mua kuambuluisha anu bakaji bakamba menemene, badi kabayi ne mubalami.

1 Timote 5:25

Midimi mimpe kabidi idi imueneka patoke. Nansha midimu mimpe itshidi misokome, neimueneke pashishe.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.

2 Timote 1:5

Ndi mvuluka ditaba diebe, didi kadiyi ne lubombu. Kakuebe wa bakaji Loyize, ne mamuebe Enike, bakavua nadi kumpala kuebe. Ndi mushindike ne: wewe kabidi udi nadi.

2 Timote 2:21

Padi muntu udilengeja ku malu mabi onsu andi ntela, nebamuangate bua midimu misunguluke. Bualu udi witaba Mfumu ne muoyi mujima, umulengelela. Ke mudiye mua kumuambuluisha ku midimu mimpe yonsu.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

2 Timote 3:17

Ke mudi muntu wa Mvidi Mukulu mua kumanya bimpe mudimu udiye ne bua kukuata. Neikale kabidi ne bionsu bidiye ukengela bua kuenza nabi mudimu awu.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Tite 3:1

Uvuluije bena ditaba mudibu ne bua kukokela balombodi ne bamfumu ba matunga, kubatumikila. Bikale ne muoyi wa kubambuluisha mu midimu mimpe yonsu.

Tite 3:14

Bena dietu kabidi badi ne bua kukumbaja midimu mimpe ne dinanukila, bua tumone mua kujikija majinga manene atudi nawu. Kabena mua kusomba kabayi bakuata mudimu.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ebrewu 10:24

Tuambuluishanganayi bua tumone mua kukoleshangana ku muoyi, tunangangane, tuenze malu mimpe.

Ebrewu 13:2

Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 4:9

Nuakidilangane mu nzubu yenu, kanuyi nusodia.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela