1 Timote 4:8 - MUKANDA WA MYIDI MUKULU

⁸ Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

1 Timote 4:8 교차 참조

Yobe 22:2

Muntu udi mua kulengelela Mvidi Mukulu wa bukole buonsu anyi? — Muntu awu udi mua kudilengeja amu yeye nkayende padiye muena meji!

Yobe 36:11

Bobu bitabe, batumikila Mvidi Mukulu, nebikale ne diakalenga, kabidi ne disanka dinene, too ne mudibu bafua.

Misambu 145:19

Udi witaba malomba a badi bamulamate, ubasungidila padiye umvua bamubila.

Misambu 37:11

Kadi bakengi nebapete ditunga. Nebasombemu ne disanka divule.

Misambu 37:29

Kabidi bantu bakane nebapete ditunga, basombemu tshiendelelele.

Misambu 37:9

Benji ba bibi nebabutuke. Kadi badi batekemena kudi Maweja-Nangila, nebapete ditunga.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Nsumuinu 19:23

Muntu udi utshina Maweja-Nangila, neapete muoyi, neasombe mu bubanji kayi umona dikenga.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Matayi 12:32

Muntu udi upenda Muana wa muntu, nebajimije mibi yende. Kadi udi wamba Mueyelu wa Tshijila bibi, kabena mua kujimija mibi yende, nansha panu, nansha matuku atshidi kumpala.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Marke 10:30

neapete misangu lukama mu matuku atudi aa, nzubu, bana babu ba balume, bana babu ba bakaji, bamamuende, bana ne madimi, kabidi ne makenga; pashishe mu matuku adi alonda neapete muoyi wa tshiendelele.

Luke 5:38

Kadi mbimpe kuela nwinyo mupiamupia mu milondu ya biseba bipiabipia.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 3:22

Polu, Apolose, nansha Petro, bukua panu bujima, muoyi ne lufu, lelu ne malaba, bionsu mbienu.

1 Korente 8:8

Kadi tshidi tshitusemeja pabuipi ne Mvidi Mukulu ki ntshiakudia nansha. Tuetu katuyi badie minyinyi ayi, katuena dijimija tshintu. Tuetu bayidie, katuena tupeta tshintu.

1 Timote 4:7

Kadi ubenge nsumuinu ya butshimbakane, idi ibengangana ne ditaba. Enza amu muebe muonsu bua ulamate Mvidi Mukulu.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

1 Timote 6:6

Bulelela, kuenzela Mvidi Mukulu mudimu nekunemeshe muntu, padiye usanka ne bidiye nabi.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

1 Yone 2:25

Tshivua Kristu mene mulaye bua kutupa, ke muoyi wa kashidi.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.