1 Timote 4:13 - MUKANDA WA MYIDI MUKULU

¹³ Unanukile kubala Mukanda wa tshijila kumpala kua bantu bonsu. Ubele bantu, ubalongeshe too ne ku difika dianyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Tô ne hanalua, ulamate ku dibala dia Mukanda wa Nzambi, ku disengelela, ne ku diyisha.

1 Timote 4:13 교차 참조

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 6:4

Tuetu netutungunuke ne mudimu wetu wa kutendelela Mvidi Mukulu, ne wa kulongesha muaku wende.

Rome 12:8

Udi ne dipa dia kukolesha bakuabu ku muoyi, abakoleshe. Udi ne dipa dia kupa bakuabu bilenga bidiye nabi, abipeshangane ne kalolu konsu. Udi ulombola, alombole ne muoyi muimpe. Udi wambuluisha bakengi, abambuluishe ne musangelu.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

1 Korente 14:3

Kadi muambi udi wambila bantu malu adi Mvidi Mukulu mumuambile, udi uyukila ne bantu, bua kubakolesha mu ditaba, kubatua nyama ku mikolu, ne kubasamba.

1 Korente 14:6

Bana hetu, ndi nnuebeja ne: meme mufike kuenu aku ngakula miakulu idi bantu kabayi bamanye, nennuambuluishe ku tshinyi? Nennuambuluishe amu pandi mmanyisha malu adi Mvidi Mukulu mungambile, nkolesha dimanya dienu, nnulondela malu a kudi Mvidi Mukulu, nansha unulongesha bualu kampanda.

Dielulula 17:19

Nanku mukalenga alame mukanda awu pabuipi nende, bua ikale uubala matuku onsu atshidiye ne muoyi, bua anemeke Maweja-Nangila Mvidi Mukulu wende, akumbaje mikenji yonsu idibu bafunda mu mukanda awu.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

Tite 2:15

Ebi ke biudi ne bua kulongesha. Ke muudi ne bua kukolesha bantu ku muoyi, kubabela. Enza nanku ne bumfumu buonsu buudi nabu. Muntu nansha umue kakupepeji.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.