1 Timote 3:6 - MUKANDA WA MYIDI MUKULU

⁶ Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kikadi biandi muntu muhia-muhia mu bualu bua Nzambi; anyi hadisueye, neahone mu dilumbuluishibua dia diabolo.

1 Timote 3:6 교차 참조

2 Bakalenga 14:10

Yowashe kumuambila kabidi ne: “Udi udisua, bualu uvua mutshimune bena Edome! Eyowa, usanke bualu udi mumane kutshimuna, kadi usombe ku nzubu kuebe! Kuena mumanye ne mvita iudi ujinga ayi, neyikukebele anu makenga anyi? Bualu nebakutshimune, wewe ne bena mvita bonsu ba bena Yuda?”

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

2 Kulondolola 32:25

Kadi, Izkiya kavua wanyisha Mvidi Mukulu bua bionsu bivuaye mumuenzele. Uvua anu uditambisha. Nanku, Maweja-Nangila kumufikila munda, kufikila kabidi bena Yerushalayime, ne bena bukalenga bua Yuda munda.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Danyele 11:12

Mukalenga wa ditunga dia kuinshi, neaditambishe bua ditshimuna diende adi. Kadi nansha muyilaye mushipeshe binunu ne binunu bia bena mvita, kakubatshimuna kashidi nansha.

Luke 10:18

Yezu kubandamuna ne: — Mvua mumone diabolu ukuluka mu diulu bu muele wa mvula.

1 Korente 3:1

Bana hetu, tshivua musue kuyukila nenu, mudibu bayukila ne bantu badi Mueyelu wa Mvidi Mukulu ulombola nansha. Kadi mvua ne bua kunuyukidisha mudibu bayukila ne bantu batshidi ne meji a buntu, batshidi bana mu ditaba.

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

Dielulula 17:20

Bionsu ebi nebimuambuluishe bua kaditambishi, bu mupite bantu bonsu ba mu tshisamba tshiende, kabidi bua kalenguludi mikenji, kadi ayikumbaje yonsu too ne mikese mene. Nanku mukalenga awu ne ndelanganyi yende, nebashale mu bukalenga matuku a bungi, balombola bena Izrayele.

Dielulula 8:14

kanuditambishi to. Nuvuluke Maweja-Nangila Mvidi Mukulu wenu, uvua munupatule ku bupika mu Ejipitu.

1 Timote 3:7

Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

1 Timote 6:4

muntu awu mmuena ditambisha. Kena mumanye tshintu to. Udi ujinga kuelangana mpata ya bupale, ne kutandangana amu bua miaku. Ke kudi kufuma lubabu, matandu, bipendu, dielela muntu meji mabi,

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

2 Petro 2:4

Bualu Mvidi Mukulu kena mufuile batumibue bavua benza bibi luse. Uvua mubele mu kandondu, mudiye mubalame mu lukanu mu miidima, too ne ku diba didibu ne bua kubalumbuluisha.

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.