1 Timote 3:16 - MUKANDA WA MYIDI MUKULU

¹⁶ Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

1 Timote 3:16 교차 참조

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 28:2

Diakamue buloba kuzakala bikole. Mutumibue wa Maweja-Nangila kutuluka mu diulu, kubunguluja dibue divua ku lukita ku luseke, kusombapu.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Matayi 4:11

Diba adi diabolu kumushiya. Batumibue ba Mvidi Mukulu kufika kudi Yezu, kumuenzela mudimu.

Marke 1:13

Kushalayemu matuku makumi anayi. Diabolu kumuteta. Yezu uvua munkatshi mua nyama ya tshisuku, batumibue ba Maweja-Nangila bavua bamuambuluishe.

Marke 16:19

Mfumu Yezu mumane kuyukila ne balongi bende nanku, kumuambulabu mu diulu, kusombaye ku dia balume dia Mvidi Mukulu.

Marke 16:5

Kubuelabu mu lukita, kumonabu nsongalume musombe ku dia balume, muvuale nkanzu mutoke. Buowa kubakuata.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Luke 20:44

Padi Davide umubikila: “Mfumu wanyi,” mudi Kristu mua kuikala wa ku ndelanganyi ya Davide mmunyi?

Luke 22:43

Ke mutumibue wa Mvidi Mukulu kumumuenekela ufuma mu diulu bua kumukankamika.

Luke 24:4

Bavua bapampakana, kabayi bamanye tshia kuenza. Ke bantu babidi, bavuala bilamba bikenka, kubamuenekela.

Luke 24:51

Patshivuaye ubela lupemba, kumukaye pavuabu bimane, kumuambulabu mu diulu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Yowanane 20:12

Kumonaye batumibue babidi ba Mvidi Mukulu bavuale bilamba bitoke, basombe muaba uvua tshitalu tshia Yezu, umue muaba uvua mutu, mukuabu muaba uvua makasa.

Yowanane 6:62

Kadi nenuenze tshinyi panuamona Muana wa muntu upingana kuvuaye bangabanga?

Bienzedi 1:19

Bena Yerushalayime bonsu kumvua bualu ebu. Ke kuinyikabu budimi abu mu muakulu wabu ne: “Akeldama,” mmomumue ne: “Budimi bua mashi.”)

Bienzedi 10:34

Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 10:18

Nanku ndi nkonka ne: Kabena bumvue Lumu alu anyi? Eyowa, mbalumvue! Mukanda wa tshijila udi wamba ne: “Diyi diabu divua diumvuike pa buloba bujima, miaku yabu mmifike too ne ku ntengu ya buloba.”

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

2 Korente 1:19

Bualu Yezu Kristu Muana wa Mvidi Mukulu, utuvua tuetu bonsu, Silase, Timote ne meme kabidi, banumanyishe, kena muntu udi wamba “eyowa” ku mishiku, mundamunda wela meji mushindu mukuabu. Kadi Yeye udi amu “eyowa”.

Ngalate 2:8

Bualu Mvidi Mukulu mmuenze, bua ngikale mupostolu bua bisamba bikuabu, amu muvuaye muenze bua Petro ikale mupostolu bua bena Yuda.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Efeze 1:9

Bivuaye wipatshila bitshivua bisokome. Kadi mmutumanyishebi, mumane kujadika nkayende bua kubikumbaja mu Kristu.

Efeze 6:19

Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

2 Tesalonike 2:7

Bubi budi amu bukuata mudimu mu musokoku. Kadi bidi ne bua kuenzeka, nebienzeke amu, padi utshidi ukuata Muena bubi umushila muaba.

1 Timote 3:9

Balamate ku malu a ditaba avuabu babalongeshe. Benze malu mimpe adi kondu ka munda kabambila.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 7:7

Bushiwa, muntu udi wela lupemba mmupite udiye wela lupemba.

Ebrewu 8:1

Bualu butambe bunene butudi tukeba kumvuija, mbobu ebu: tudi ne mutuangaji munene wa nanku udi musombe mu diulu ku dia balume dia nkuasa wa butumbi wa Mvidi Mukulu, wa bukole buonsu.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Petro 1:20

Mvidi Mukulu kayi muanji kufuka buloba, ukavua mumane kusungula Kristu. Kadi matuku a ndekelu aa kudienzaye muntu bualu buenu.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

1 Yone 1:2

Pavua muoyi ewu umueneka, tuvua baumone. Ke patudi tunujadikilawu, tunumanyisha muoyi wa kashidi, uvua kudi Tatu, udi mumueneke kutudi.

1 Yone 3:5

Nudi bamanye ne: Yezu Kristu wakamueneka bua kumusha bubi. Munda muende kamuena bubi to.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

Didimanyisha 17:5

Bavua bafunde pa mpala pende dina diamba bualu busokoka ne: “Babilone munene, mamuende wa bakaji bena buendenda, ne wa malu mabi onsu a pa buloba!”

Didimanyisha 17:7

Ke mutumibue kungebeja ne: — Muudi ukema nanku mbishi? Nenkumvuije bualu busokome bua mukaji ewu, ne bua nyama wa mitu muanda mutekete ne nsengu dikumi udi mumuambule.

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.