1 Timote 2:9 - MUKANDA WA MYIDI MUKULU

⁹ Ndi musue kabidi bua bantu bakaji bavuale mvuadilu wa kanemu, badilengeje kabayi badileja. Baluke nsuki pa ndukilu mulenga. Kabavuadi bilengejilu bia tshiamu tshia mpawungi, nansha bia mabue a busanga, nansha bilamba bia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Muomumue bakashi kabidi badilengeshe ne bilulu bidi bibakanyina; bikale ne kalolo ne buhuekele; kabaluki nsuki yabo bihia; kabaluatshi ngolo ne mabue ne bilulu bia mushinga muhite bungi;

1 Timote 2:9 교차 참조

Genese 24:53

Pashishe kukangulaye bibuta biende, kupatulaye bilengejelu bia tshiamu tshitoke tshia mushinga mukole, bia mpawungi, kabidi ne bilamba. Kubipeshaye Rebeka. Kufilaye bintu bia mushinga mukole kudi Labane, ne kudi mamuende wa Rebeka.

2 Bakalenga 9:30

Yezabele kumvuaye lumu lua bionsu bivua bienzeka abi. Kudilabaye bilabu pa makiki, kudilengejaye bimpe. Yehu ufika mu Yizreyele, Yezabele kuimana ku dididishi, mutangile Yehu.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Misambu 149:4

Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Nsumuinu 31:22

Udi ukuma biata bia kuteka panshi, uvuala bilamba bimpe bia buanda bua ndanda bukunzubile.

Nsumuinu 31:25

Bukole ne buneme ke biende bilengejilu. Udi utua mimuemue, padiye wela meji ku matuku atshidi kumpala.

Nsumuinu 7:10

Ke mukaji awu kuvua kumuakidila, muvuale bu mukaji muena buendenda, budimu munda tente.

Yeshaya 3:16

Maweja-Nangila udi wamba ne: “Bakaji ba mu Yerushalayime badi ne ditambisha. Badi benda bela mitu mulu, bakenzakana kabayi bundu, benda balunduka badisua, badidisha nkanu yabu ya ku mikolu.”

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

Matayi 11:8

Nanku tshinuvua bakebe kumona ntshinyi? Muntu muvuale bilamba bimpe anyi? Kadi badi bavuala bilamba bimpe badi basomba mu nzubu ya bakalenga ba matunga.

1 Timote 2:10

Kadi badilengeje ne malu mimpe adibu benza. Ke bidi bakaji badi banemeka Mvidi Mukulu ne bua kuenza.