1 Timote 2:8 - MUKANDA WA MYIDI MUKULU

⁸ Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku ndi musue balume batendelele Nzambi mu miaba yonso, babishe bianza bia tshijila, kabai ne tshishi ne dielangana dia mpata.

1 Timote 2:8 교차 참조

1 Bakalenga 3:11

Nanku, Maweja-Nangila kuandamuna mukalenga Shelomu ne: — Kuena mulombe bua wewe kuikala ne muoyi matuku a bungi. Kuena mulombe bua wewe kuikala mubanji, nansha bua baluishi bebe bafue bonsu. Kadi udi ulomba anu lungenyi, bua wewe kulombola bantu banyi bimpe, kabidi ne meji.

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Misambu 134:2

Ololayi bianza bienu ku muaba wa tshijila, nuele Maweja-Nangila tuasakidila.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Misambu 24:4

— Ke bena ku muela kakuyi mashi, ba muoyi mutoke, kabayi bela meji mabi, kabayi baditshipa mitshipu ya dishima.

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Misambu 28:2

Unteleje pandi nkusengelela, nkulomba bua ungambuluishe, pandi ngolola bianza ku muaba wa tshijila menemene uudi usombe.

Misambu 35:13

Pavua baluishi banyi basama, mvua ne kanyinganyinga, mbenga kudia, ntendelela Maweja-Nangila. — kadi dilomba dianyi kadivua dipeta tshipeta!

Misambu 63:4

Dinanga diudi munnange nadi, ndipite muoyi ku mushinga. Ke pandi nkutumbisha,

Misambu 66:18

Bu meme ne meji mabi munda, Mvidi Mukulu kavua mua kunteleja to.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Luke 24:50

Pashishe Yezu kumuka nabu mu tshimenga, kuya pabuipi ne Betanya. Aku kuelaye bianza mulu, ubela lupemba.

Yowanane 4:21

Yezu kumuandamuna ne: — Ungitabe, tshikondu netshifike tshinuikala kanuyi nutendelela Tatu pa mukuna ewu, nansha ku Yerushalayime.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

1 Korente 7:7

Bulelela, dijinga dianyi didi ne: bantu bonsu bikale mundi. Kadi Mvidi Mukulu udi upesha muntu yonsu diende dipa, muntu yonsu diende.

2 Korente 2:14

Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

Filipe 1:12

Bana hetu, ndi musue bua numanye ne: bivua bingenzekele bivua amu bitangalaja Lumu lua Disanka.

1 Tesalonike 1:8

Bualu bituadije kuenu, muaku wa Mfumu kutangalaka mu Masedoniya, ne mu Akaya. Kadi nansha miaba mikuabu yonsu, bantu badi amu bamanye munudi nuitaba Mvidi Mukulu. Nanku katuena ne bua kuakula bualu ebu to.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Petro 3:7

Nuenu kabidi, balume, nusombe bimpe ne bakaji benu. Numanye ne: badi ne butekete. Nanku nubanemeke, bualu nebapete nenu dipa dia muoyi kudi Mvidi Mukulu. Nuenze nanku bua tshintu nansha tshimue katshieledi ditendelela dienu nkila.