1 Timote 1:9 - MUKANDA WA MYIDI MUKULU

⁹ Tuvuluke ne: kabavua belela bantu ba malu mimpe mikenji to, kadi anu benzavi, bantomboji, bena lonji, bantu babi, bantu badi kabayi batshina Mvidi Mukulu, nansha tshintu tshia tshijila. mBayelele kabidi bantu badi bashipa tatuabu nansha mamu, bashipianganyi bakuabu,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tudi bamanye ne, Mikenshi kayena mielela muntu muakane, kadi idi mielela badi kabai baitabusha ne bena buhidia ne badi kabai banemekela Nzambi ne badi babi ne badi kabai ba tshijila ne bahendi ha Nzambi ne bashihi ba batatu ne bamamu ne bashihianganyi

1 Timote 1:9 교차 참조

2 Samuele 16:11

Mukalenga Davide kuambila kabidi balombodi bonsu ba mu bukalenga buende ne Abishayi ne: Pikala muananyi, muananyi menemene undi mulela, ukeba mua kunshipa, kanukemi bua padi Shimeyi, muena Binyamine, umpenda. Mulekelayi, ampende! Misangu mikuabu, Maweja-Nangila ke udi mumutume bua kumpendaye.

2 Bakalenga 19:37

Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipa. Pashishe, kunyemabu kuya mu ditunga dia Ararate. Muanende mukuabu, Asharadone, kumupingana mu bukalenga.

2 Kulondolola 32:21

Maweja-Nangila kutuma mutumibue wende mu mitanda ya bena Ashure, bua kushipa bena mvita bonsu ba bukitu ne balombodi bonsu ba bena mvita. Mukalenga wa bena Ashure kupingana mu ditunga diende ne bundu. Dituku dikuabu, pavua Senakeribe ubuela mu nzubu wa mvidie wende, bana bende ba balume ba munda muende menemene kumushipa.

Ekesode 20:13

“Kushipi muntu.

Ekesode 21:14

Pikala muntu mutekete mukuende tshiji, mumushipe ku bukole ne budimu, nansha yeye ku tshilambuilu tshianyi, numukuate numushipe.

Nsumuinu 20:20

Padi muntu utshipa tatuende nansha mamuende, neamone matuku ende a panu akoseka bu mudi muendu ujima mu miidima.

Nsumuinu 28:17

Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.

Nsumuinu 28:24

Udi wiba bintu bia baledi bende, wamba ne: “Ki mbualu to,” mmuanabu ne muntu yonsu udi upawulangana bintu.

Nsumuinu 30:11

Kudi bantu badi batshipa batatuabu, bajana bamamuabu misangu yonsu.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Yirmeya 23:11

Bambi ne batuangaji bonsu badi benza buenzavi. Meme kubasangana benza bibi ne mu nzubu wanyi. Meme Maweja-Nangila ndi ngamba nanku.

Yezekiyele 21:25

Njila umue neafikishe bena mvita ba bena Babilone mu tshimenga tshia Raba, tshia bena Amone. Njila mukuabu neabafile mu tshimenga tshia Yerushalayime tshidi mu Yuda, tshivuabu bakoleshe ne bimana.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Matayi 10:21

Bantu nebafile bana babu bua kubashipabu. Baledi nebenze bia momumue ne bana babu balela. Bana pabu nebatombokele baledi babu; nebabashipeshe.

Rome 1:30

bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Rome 4:13

Mvidi Mukulu uvua mulaye Abrahame ne ndelanganyi yende ne: nenupete buloba. Kavua mumulaye dilaya edi, bualu Abrahame uvua mukumbaje mikenji nansha, kadi amu bualu Mvidi Mukulu uvua mumubingishe bua ditaba divuaye nadi.

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Ngalate 5:18

Kadi padi Mueyelu unulombola, mikenji kayena kabidi ne bualu kunudi.

Ngalate 5:21

ku lukuka, bunuavi, budiavi, ne ku malu mabi makuabu. Bu mumvua munubele kale, lelu kabidi ndi nnuambila ne: badi benza malu a nanku, kabakupeta muaba mu Bukalenga bua Mvidi Mukulu.

Ngalate 5:23

bupole, didikanda. Bushuwa, mikenji kayena ibengangana ne malu a nanku.

Dielulula 27:16

“Muntu yonsu udi kayi unemeka tatuende ne mamuende, asangane muena tshibawu kuenza anyi?” Bantu bonsu ne: “Enze!”

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

1 Timote 4:7

Kadi ubenge nsumuinu ya butshimbakane, idi ibengangana ne ditaba. Enza amu muebe muonsu bua ulamate Mvidi Mukulu.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.

2 Timote 2:16

Epuka ku biakulakula bia patupu bidi bibengangana ne ditaba. Bualu badi babiakula nebumbuke ku kakese ku kakese kudi Mvidi Mukulu.

2 Timote 3:2

Bualu bantu nebadinange. Nebanange bubanji. Nebaditembe, baditambisha, bapenda Mvidi Mukulu. Nebatombokele baledi babu. Kabakuvuluka kabidi bantu bavua babenzele bimpe. Kabakunemeka bidi bia tshijila.

Tite 1:10

Bualu kudi bantu bavule, nangananga munkatshi mua bena Yuda bavua babuele mu Tshisumbu tshia bena ditaba, badi bantomboji, bashima bantu ne biakulakula.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Tite 1:6

Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Ebrewu 12:16

Muntu nansha umue kikadi muena malu a bundu, nansha munyangi wabintu bia tshijila, bu muvua Esawu mupane bukulu buende ku dilongu amu dimue dia biakudia.

1 Petro 2:7

Dibue edi didi dia mushinga mukole bualu buenu nuenu badi bitaba. Kadi bua badi kabayi bitaba, mbafunde ne: “Dibue divua bibaki bimanshe, ke didi dienza dibue didi diambula bujitu bujima.”

1 Petro 3:20

Ke bantu bavua babenge kutumikila Mvidi Mukulu ku kale. Mvidi Mukulu uvua windila ne lutuulu, mu tshikondu tshivua Nowa muenze buatu. Bantu bakese, bonsu basanga amu muanda mukulu, ke bavua babuele mu buatu, bapandile ku mayi.

1 Petro 4:18

Bualu mbafunde mu Mukanda wa tshijila ne: “Pikalabi bikole bua muntu wa Mvidi Mukulu kupandaye, kadi bena buenzavi ne benji ba malu mabi nebapande bishi?”

Yuda 1:15

bua kulumbuluisha bantu bonsu, ne bua kunyoka bantu babi bonsu, bua malu mabi avuabu benze, pavuabu batombokele Mvidi Mukulu, ne bua miaku yabu mibi ivuabu bamujane nayi.”

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!