1 Timote 1:17 - MUKANDA WA MYIDI MUKULU

¹⁷ Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

1 Timote 1:17 교차 참조

1 Kulondolola 29:11

Bualu, wewe udi muena bumfumu, muena bukole, muena lumu, muena butumbi ne muena bukalenga! Eyowa, bionsu bidi mulu, bidi pa buloba mbiebe wewe Maweja-Nangila, bualu udi mukalenga, kabidi udi mfumu wa bonsu ne wa bionsu.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Misambu 10:16

Maweja-Nangila udi Mukalenga kashidi tshiendelele. Badi batendelela mvidie mikuabu nebajimine mu ditunga diende!

Misambu 106:48

Maweja-Nangila Mvidi Mukulu wa bena Izrayele, tuasakidila! Nuele Maweja-Nangila tuasakidila misangu yonsu. Bantu bonsu bambe ne: “Amene, eyo, bikale nanku! Tutumbishayi Mvidi Mukulu, Aleluya!”

Misambu 145:13

Maweja-Nangila, bukalenga buebe mbua kashidi. Bumfumu buebe nebushale mu bidimu bionsu. Udi ukumbaja malaya ebe. Udi ne muoyi muimpe mu malu onsu audi muenze.

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

Misambu 45:1

Musambu wa mu mukanda wa mulombodi wa bena misambu. Muimba ne nzenze. Kasala ka mu mukanda wa misambu wa bena Kora. Musambu wa dinanga.

Misambu 45:6

Miketa yebe idi mitue mitambe. Neibuele mu mioyi ya baluishi bebe. Bantu nebashinde ku makasa ebe.

Misambu 57:11

Bualu dinanga diebe ndinene, ndiye ne mu diulu. Udi ukumbaja malaya ebe miaba yonsu too ne mu mavuba.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

Rome 16:27

Mvidi Mukulu, udi nkayende muena meji, utudi bamanye kudi Yezu Kristu, atumbe kashidi tshiendelele! Amene.

Rome 2:10

Kadi bonsu badi benza bimpe, Mvidi Mukulu neabapeshe butumbi, lumu ne bupole, bangabanga bena Yuda, pashishe bantu ba bisamba bikuabu kabidi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

Ebrewu 11:27

Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.

Ebrewu 2:7

Udi mumupuekeshe kuinshi kua batumibue bebe, wewe kumupa butumbi ne lumu,

1 Petro 5:11

Yeye udi ne bukole kashidi tshiendelele! Amene.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

1 Yone 4:12

Muntu nansha umue kena muanji kumona Mvidi Mukulu. Tuetu banangangane, Mvidi Mukulu udi ushala munda muetu. Nanku dinanga diende nedimueneke menemene munda muetu.

Yuda 1:25

Mvidi Mukulu umuepele awu uvua mutupandishe kudi Yezu Kristu, Mfumu wetu. Butumbi, bukole, buneme ne bumfumu bidi kudiye, biangatshile ku ntuadijilu wa bidimu, lelu ne kashidi tshiendelele. Amene.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 19:1

Malu aa mamane kupita, meme kumvua mu diulu meyi makole bu a bantu ba bungi, bamba ne: “Aleluya! Tumbishayi Maweja-Nangila! Lupandu, butumbi ne bukole bidi kudi Mvidi Mukulu wetu!

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

Didimanyisha 7:12

bamba ne: “Amene! Lumu, butumbi, meji, diela tuasakidila, kanemu, dikanda, ne bukole, bikale kudi Mvidi Mukulu wetu kashidi ne kashidi! Amene.”