1 Samuele 9:20 - MUKANDA WA MYIDI MUKULU

²⁰ Kadi bua nyama ya mpunde idi mijimine kukadi matuku asatu, kuditatshishi to. Mbamane kuyimona. Kadi mpindiewu, mbimpe umanye muntu udi bena Izrayele bonsu batekemena. Bena Izrayele mbakutekemena anu wewe, batekemena kabidi ne bena nzubu wa tatuebe.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi kunyingalashi mutshima bualu bua nyama ya mpunda yakadi mijimine matuku asatu ahitshi, bualu bua hakamana kuyisangana. Mitshima ya Bena Isalele bonso idi kudi nganyi? Kenkûdi ne kudi bonso ba mu nsubu wa tatu webe, anyi?

1 Samuele 9:20 교차 참조

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

Misambu 62:10

Bantu badi bu lupepele, bantu tshiabu ndishima. Bobu babande pa tshipimu bonsu pamue, kabena ne bujitu.

Kolose 3:2

Elayi meji ku bia kulu, kanuedi meji ku bia panu.

1 Samuele 10:16

Shawule kumuambila ne: — Wakutumanyisha ne: nyama yenu ya mpunde mmimane kumueneka. Kadi Shawule kena muambile mansebende malu avua Samuwele mumuambile bua bukalenga to.

1 Samuele 12:13

Eyowa, nudi ne mukalenga unuvua basungula. Mukalenga unuvua balombe, Maweja-Nangila, wanupeshiye.

1 Samuele 12:15

Kadi panuikala kanuyi bamutumikila, bamutombokela, kanuyi bakumbaja mikenji yende, Maweja-Nangila neanuleje bukole buende, bu muvuaye muleje bankambua benu kale.

1 Samuele 4:20

Kadi bu nuwuaye ukengakana bua kukula muoyi, bakaji bavua bimane pabuipi nende kumuambilabu ne: — Kutshinyi to. Udi mulela muana wa balume. Kadi kena mubandamune to. Bualu kavua mubateleja to.

1 Samuele 8:19

Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,

1 Samuele 8:5

bamuambila ne: — Wewe Samuwele udi mumane kukulakaja, kadi bana bebe ba balume kabena balonda tshilejilu tshiebe to. Nanku, utupeshe mukalenga udi mua kushala mfumuetu, anu bu mudi bantu ba bisamba bikuabu ne muntu udi ubalombola kashidi.

1 Samuele 9:19

Samuwele kuandamuna ne: — Meme ke mumonyi wa malu. Pita kumpala kuanyi eku, tuye nebe muaba wa tshijila. Lelu netudie nebe. Malaba dinda, pangikale mumane kukuandamuna ku makonka ebe onsu, nenkulekele uye.

1 Samuele 9:3

Dituku dikuabu, nyama ya mpunde ya tatuende Kishe ivua mijimine. Kishe kutuma muanende Shawule bua baye ne muena mudimu bua kukeba nyama ayi.