1 Samuele 8:7 - MUKANDA WA MYIDI MUKULU

⁷ Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakambila Samuele ne, Unvile mei a bantu mu malu onso adibo bakuambila; bualu bua bobo kabakakuhidia wewe, bakampidia meme bua meme tshikadi mukokeshi wabo.

1 Samuele 8:7 교차 참조

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yirmeya 34:14

Mvua mubambile ne: Pakumbana bidimu muanda mutekete, yonsu wa kunudi apikule muanabu muena Ebrewu uvua mudipane kudiye bu mupika, ne ukavua mumane kumuenzela mudimu bidimu bisambombu. Nudi mua kumulekela aye mudiye musue. Kadi bankambua benu ki mbanteleje, ki mbitabe tshimvua mubambile to.

Yezekiyele 2:3

— Muntu, ndi nkutuma kudi bena Izrayele. Bantu abu mbantombokele. Badi anu bambenga bu muvua bankambua babu bambenga.

Yezekiyele 3:7

Kadi bena Izrayele kabena mua kukuteleja to. Bualu kabena basue kunteleja meme. Badi bantu ba tshitunu, badi ne muoyi mupape.

Dibadika 22:20

Butuku, Mvidi Mukulu kuambila Balaame ne: — Bu mudi bantu aba bakubikila, mbimpe uye nabu. Kadi wenze anu tshindi meme nkuambila.

Matayi 10:40

— Muntu udi unuakidila, udi ungakidila meme. Udi ungakidila, udi wakidila ewu udi muntume.

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Yowanane 13:16

Ndi nnujadikila ne: muena mudimu kena mua kuikala ku mutu kua mfumuende. Kabidi mutumibue kena mua kuikala ku mutu kua uvua mumutume nansha.

Balombodi 8:23

Ngideyone kuandamuna ne: — Meme tshiena mua kuikala mukalenga wenu to, nansha muananyi kabidi. Anu Maweja-Nangila neikale mukalenga wenu.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 12:1

Samuwele kuambila bena Izrayele ne: — Eyowa, mbanupeshi tshinuvua bandombe. Mbanupi mukalenga.

1 Samuele 12:12

Kadi panuamonyi Nakashe, mukalenga wa bena Amone, mufike bua kunuluisha, nuenu kungambila ne: “Tudi basue kuikala ne mukalenga!” Mbimueneka ne: Maweja-Nangila kavua mukalenga wenu to.

1 Samuele 8:22

Maweja-Nangila kumuambila ne: — Kumbaja dijinga diabu, ubapeshe mukalenga. Ke Samuwele kuambila bena Izrayele bua muntu yonsu apingane ku nzubu kuende.

1 Samuele 8:8

Bualu biangatshile dituku dindi mubapatula mu Ejipitu too ne mpindiewu, badi anu bambenga meme, batendelela mvidie mikuabu. Bionsu bivuabu bangenzele abi, ke bidibu bakuenzela wewe mpindiewu.