1 Samuele 8:19 - MUKANDA WA MYIDI MUKULU

¹⁹ Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi bantu bakahidia kunvua dî dia Samuele, bakamba ne, Nansha, tuikale ne mukelenge ku mutu kuetu,

1 Samuele 8:19 교차 참조

2 Bakalenga 21:9

Kadi, bena Yuda kabena batumikila Maweja-Nangila to. Menashe ke uvua mubafikishe ku dienza bibi bipite bia bantu, bavua kale mu ditunga adi, bavua Maweja-Nangila muipate bua kushilabu bena Izrayele ditunga.

Misambu 81:11

Bualu meme ke Maweja-Nangila, Mvidi Mukulu wenu, uvua munupatule mu Ejipitu. Bulula mukana bikole, nemmuwuje tente.

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yirmeya 44:16

— Udi wamba ne: ndi nnuambila malu mu dina dia Maweja-Nangila. Kadi tudi tubenga kukuteleja.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Dielulula 17:14

Panuafika mu ditunga didi Maweja-Nangila Mvidi Mukulu wenu munupe bua kusomba, misangu mikuabu nenuikale ne dijinga dia kupeta mukalenga, bua nuikale mudi bisamba bikuabu binudi nabi mutumba.

1 Samuele 12:12

Kadi panuamonyi Nakashe, mukalenga wa bena Amone, mufike bua kunuluisha, nuenu kungambila ne: “Tudi basue kuikala ne mukalenga!” Mbimueneka ne: Maweja-Nangila kavua mukalenga wenu to.