1 Samuele 5:9 - MUKANDA WA MYIDI MUKULU

⁹ Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakenzabo nunku, tshianza tshia Yehowa tshiakalesha bena musoko au, ne tshiakabahita bikole; yeye wakashiha bantu ba mu musoko ne bakese ne banene, masungu akabakuata kabidi.

1 Samuele 5:9 교차 참조

Misambu 78:66

Maweja-Nangila kukuma baluishi bende, kubipata, kubafuisha bundu kashidi.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Dielulula 2:15

Nanku anu Maweja-Nangila nkayende kubanyoka, kubabutula bonsu nkong.

1 Samuele 12:15

Kadi panuikala kanuyi bamutumikila, bamutombokela, kanuyi bakumbaja mikenji yende, Maweja-Nangila neanuleje bukole buende, bu muvuaye muleje bankambua benu kale.

1 Samuele 5:10

Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:6

Maweja-Nangila kukengesha bena mu tshimenga tshia Asdode bikole bipite, bua kubaleja bukole buende. Bobu ne bena mutumba babu, kubakuatshishaye bowa, kubatua disama dia mulaka.

1 Samuele 6:11

Kutekabu mushete wa tshijila pa ditempu, ne kashete kavua ne mpuku ya tshiamu tshia mpawungi ne bintu bidi bileja disama dia mulaka.

1 Samuele 7:13

Bena Peleshete bavua ne bundu, buamushindu uvuabu babatshimuna awu. Maweja-Nangila kubaleja bukole buende matuku onsu avua Samuwele ne muoyi. Nanku bena Peleshete kabena babuela kabidi mu buloba bua bena Izrayele to.