1 Samuele 30:15 - MUKANDA WA MYIDI MUKULU

¹⁵ Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Davidi wakamukonka ne, Wewe neutulombole kudi tshisumbu etshi, anyi? Yeye wakamuambila ne, Biwaditshiha kundi mu dina dia Nzambi ne, Tshiena nkushiha, tshiena nkufila mu bianza bia mukelenge webe, nennulombole kudi tshisumbu etshi.

1 Samuele 30:15 교차 참조

Yezekiyele 17:19

Meme Maweja-Nangila Mvidi Mukulu wa muoyi, ndi ngamba ne: “Mukalenga wa bena Izrayele mmunyange ndondu uvuaye mutue, uditshipa kumpala kuanyi. Nanku, pa bualu ebu nemmunyoke.

Yezekiyele 17:16

Meme Maweja-Nangila Mvidi Mukulu wa muoyi, ndi nditshipa ne: “Mukalenga ewu neafuile mu ditunga dia mukalenga uvua mumuteke mu nkuasa wa bukalenga. Bualu kavua munemeke mitshipu iwaye muditshipe, kabidi uvua munyange ndondu uvuabu batue nende. Nanku neafuile anu mu Babilone.

Yezekiyele 17:13

Uvua mukuate kabidi muntu wa mu diku dia bukalenga, mutue nende ndondu, umulombe kabidi bua aditshipe bua amuitabe. Uvua mumushe kabidi balombodi bonsu mu ditunga,

1 Samuele 29:6

Nanku mukalenga Akishe, kubikila Davide umuambila ne: — Bu mudi Maweja-Nangila ne muoyi, ndi mukunange bikole. Mvua mumone ne: udi ukumbana bua tuetu kuya nebe mu mvita. Bualu biangatshile dituku diuvua mufike kuanyi too ne mpindiewu, tshiena muanji kumona wewe muenze bualu bubi to. Kadi, bamfumu bakuabu ba bena Peleshete kabena bakunange to.

Yoshua 9:15

Yoshuwa kutua nabu ndondu mu ditalala, ubajadikila ne: katuena tunushipa to. Ke balombodi ba bena Izrayele kuditshipa, bajadike ndondu awu.

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

1 Samuele 30:14

Bangabanga tuvua baluishe bantu badi basombe kuinshi mu ditunga, mu buloba bua bena Kereti, bua bena Yuda ne bua bena Kalebe. Pashishe tuetu kuosha tshimenga tshia Siklaje.

1 Samuele 30:16

Nsongalume wa bena Ejipitu kufikisha Davide muaba uvua bena Amaleke. Kusanganabu bena Amaleke batangalakangana mu buloba bujima, badia, banua, benza tshibilu ne bintu bipite bungi, bivuabu bapawule mu ditunga dia bena Peleshete, ne mu ditunga dia bena Yuda.

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Balombodi 1:24

Bantu bakuabu batume, kumonabu muntu upatuka mu tshimenga atshi. Kumulombabu ne: — Utuleje muaba wa kubuelela mu tshimenga etshi. Nanku netukuenzele bimpe.