1 Samuele 28:4 - MUKANDA WA MYIDI MUKULU

⁴ Dituku dikuabu, bena Peleshete kusangisha bena mvita babu. Kuasabu mitanda yabu pabuipi ne Shuneme. Shawule kubikidisha bena mvita ba bena Izrayele. Kuasabu mitanda yabu pabuipi ne mukuna wa Ngilbowa.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bena Peleshete bakadisangisha, bakasa tshitudilu tshiabo mu Shunema: Shaula wakasangisha Bena Isalele bonso, bakasa tshitudilu tshiabo mu Gileboa.

1 Samuele 28:4 교차 참조

2 Samuele 1:21

Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

2 Samuele 21:12

Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

1 Bakalenga 1:3

Bena mudimu kukeba mu ditunga dijima dia bena Izrayele, nsongakaji muimpe.

2 Bakalenga 4:8

Dituku dikuabu, Elisha uvua upitshila mu musoku wa Shuneme. Mu musoku awu, muvua mukaji mubanji. Mukaji awu, kusengelela Elisha bua alue kudia biakudia kuende. Nanku, biangatshile dituku adi, pavua Elisha upitshila mu buloba abu, uvua anu uya kudia biakudia kua mukaji awu.

Yoshua 19:18

Mu buloba abu muvua bimenga ebi: Yizreyele, Keshulote, Shuneme,

1 Samuele 28:5

Shawule umona amu mitanda ya bena Peleshete, kumvuaye bowa bikole. Kutuadijaye kuzakala.

1 Samuele 31:1

Bena Peleshete kuluisha bena Izrayele pa mukuna wa Ngilbowa. Kushipabu bena Izrayele ba bungi, bakuabu kunyema.

1 Samuele 31:8

Butshia dinda, bena Peleshete kuya bua kuangula bintu bia bantu bavua bafue. Kusanganabu tshitalu tshia Shawule ne bia bana bende basatu pa mukuna wa Ngilbowa.