1 Samuele 28:23 - MUKANDA WA MYIDI MUKULU

²³ Shawule kubenga mua kudia biakudia nansha bikese. Kadi bantu bavuaye nabu ne mukaji muena lubuku, kumusengelela bikole. Nanku kuitabaye. Kujukaye panshi, kusomba pa bulalu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi yeye wakahidia, wakamba ne, Tshiena ndia nansha. Kadi bantu bandi ne mukashi eu bakamusengelela: nunku yeye wakitabusha dî diabo. Nunku yeye wakajuka hanshi mu buloba, wakashikama ha bulalu.

1 Samuele 28:23 교차 참조

1 Bakalenga 21:4

Mukalenga Akabe kupingana ku nzubu kuende, mubungame, mufike munda bua diandamuna dia Nabote adi. Akabe kulala pa bulalu, mutangile ku tshimana, kayi mua kudia kantu nansha kamue.

2 Bakalenga 4:8

Dituku dikuabu, Elisha uvua upitshila mu musoku wa Shuneme. Mu musoku awu, muvua mukaji mubanji. Mukaji awu, kusengelela Elisha bua alue kudia biakudia kuende. Nanku, biangatshile dituku adi, pavua Elisha upitshila mu buloba abu, uvua anu uya kudia biakudia kua mukaji awu.

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

Estere 1:6

Bavua balembeleja bilamba bia manda a ndanda bitoke, nansha bia mayi a nkunde, ku tukaba tukunze tuela ku nkanu ya tshiamu tshitoke tshia mushinga mukole. Bavua bakudika nkanu ayi ku makunji a mabue engelela. Bavua bateka mu lutanda, nkuasa ya tshisaka ya mpawungi ne ya tshiamu tshitoke tshia mushinga mukole. Bavua balamika panshi mu lutanda mabue mimpe makunze, matoke, a makalumakalu ne mafuke.

Nsumuinu 25:20

Kuimbila muntu udi mu dikenga misambu, kudi amu bu kuvula muntu tshinkutu dituku dia mashika, nansha bu kuela maluvu a buanji mu mputa.

Yezekiyele 23:41

Pashishe kusombabu mu nkuasa ya tshisaka mimpe minene, bateka mesa kumpala kuabu. Pa mesa apu pavua musenga wa kamonya, ne mafuta masambakaja ne manananshi, bivuabu bapete kundi.

Luke 14:23

Ke mfumu kuambila muena mudimu wende ne: “Uye mu njila ya ku ntshiama, ku mielelu ya mpangu, wenzeje bantu ku bukole, bua babuele mu nzubu wanyi, uwule tente.

Luke 24:29

Kadi balongi kumusengelela, bamba ne: — Shalaku netu, bualu butuku bukadi buila. Nanku Yezu kubuela mu nzubu, kushala nabu.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

2 Korente 5:14

Bualu dinanga didi Kristu mutuleje didi ditulombola mu bionsu bitudi tuenza. Bualu tudi bajadike ne: bu mudi umue mufuile bantu bonsu, tuetu bonsu tudi bafue pamue nende.

1 Samuele 28:22

Mpindiewu, wewe unteleje. Ndi nkupesha biakudia, udie, bua wewe kupeta bukole bukumbane bua kupingana kuebe.