1 Samuele 24:12 - MUKANDA WA MYIDI MUKULU

¹² Tangila, mukalenga wanyi, tangila tshindi mukuate ku bianza etshi. Ndi ne tshipesa tshia muntumpu webe! Ndi mukose anu tshipesa tshia muntumpu webe, kadi tshiena mukushipe to, bua kujadika ne: tshiena ne dijinga dia kukuenzela bibi, nansha kukutombokela. Udi mumone ne: meme Davide tshiena mukuenzele bubi nansha bumue. Anu wewe udi wenda ungipata bua kunshipa.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa atulumbuluishe hankatshi hetu nʼebe, Yehowa ansombuele bualu buebe, kadi tshianza tshianyi katshiena tshikala kudi.

1 Samuele 24:12 교차 참조

Genese 16:5

Ke Sarayi kuambila Abrame ne: — Badi bampenda bipendu bionsu ebi bualu buebe. Meme kukupesha mupika wanyi bua ikale muena kuebe. Kadi katshia wimita difu, kena unnemeka kabidi to. Maweja-Nangila nkayende akose tshilumbu tshidi pankatshi petu nebe.

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

2 Samuele 22:48

Mvidi Mukulu udi usombuela baluishi banyi, untekeshila bisamba bia bantu.

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

Yobe 5:8

Bu meme ne dikenga bu diebe, mvua kuya kudi Mvidi Mukulu, kumuambila muanyi mundi muonsu.

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

Misambu 43:1

Mvidi Mukulu wanyi, kosa nsambu yanyi amu pa yoyi, umbingishe kudi bantu badi kabayi luse. Unsungidile kudi bena dishima ne bena tshinyangu.

Misambu 94:1

Eyi, Maweja-Nangila, Mvidi Mukulu, udi usombuela bantu. Mvidi Mukulu udi usombuela bantu, patuka.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

Balombodi 11:27

Meme tshiena mukuenzele bibi to. Wewe ke udi mungenzele bibi, bualu udi unduisha. Anu Maweja-Nangila, mulumbuluishi wa bantu, akose lelu tshilumbu tshidi pankatshi pa bena Izrayele ne bena Amone!

1 Samuele 20:1

Davide kumuka ku Nayote pabuipi ne Rama, kuya kudi Yonatane, muana wa Shawule, umukonka ne: — Mbualu bubi kaayi bundi muenze? Ntshilema kaayi tshindi muenzele tatuebe? Shawule udi ukeba kunshipa.

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.