1 Samuele 22:6 - MUKANDA WA MYIDI MUKULU

⁶ Shawule kumvua lumu ne: bakumona Davide ne bantu bavuaye nabu. Dituku adi, mukalenga Shawule uvua usomba ku Ngibeya, muinshi mua mutshi wa kampanga nzevu uvuabu bakuna pa kakuna. Uvua ne difuma mu tshianza. Bena mudimu bende bonsu bavua bimana pabuipi nende.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Shaula wakunyua ne, Bakasangana Davidi ne bantu bakadiye nʼabo; Shaula wakadi mushikame muinshi mua mutshi mu Gibea wa mu Lama, wakadi ne difuma diandi mu tshianza tshiandi, bantu bandi bonso bakadi bimane kudiye.

1 Samuele 22:6 교차 참조

Genese 21:33

Abrahame kuya mu Bersheba, kukunamu mutshi wa kampanga-nzevu. Ke muvuaye utendelela Mvidi Mukulu wa kashidi, utela dina dia Maweja-Nangila.

Balombodi 4:5

Uvua usomba muinshi mua dibue dia ngaji. Ke muvuabu binyika dibue adi ne: ndibue dia ngaji dia Debora. Divua pankatshi pa tshimenga tshia Rama ne tshia Betele, mu buloba bua mikuna bua Efrayime. Ke muaba uvua bena Izrayele baye kudi Debora, bua abalumbuluishe.

1 Samuele 14:2

Tatuende uvua pabuipi ne Ngibeya, musombe muinshi mua mutshi wa grenadier mu Migrone. Uvua ne bena mvita bu nkama isambombu.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

1 Samuele 19:9

Dituku dikuabu, mukishi mubi mutuma kudi Maweja-Nangila, kutulukila Shawule, pawaye mu nzubu muende ne difuma mu tshianza. Pavua Davide wimbila Shawule lunkombe,

1 Samuele 20:33

Shawule kuela difuma bua kuasa Yonatane. Nanku, Yonatane kumanya ne: tatuende Shawule mmupangidike bulelela bua kushipa Davide.

1 Samuele 31:13

Kusangishabu mifuba ya bantu abu, kuyijika muinshi mua mutshi wa kampanga nzevu, uvua mu tshimenga tshia Yabeshe. Nanku, bena mu tshimenga tshia Yabeshe, kujilabu biakudia matuku muanda mutekete.