1 Samuele 22:14 - MUKANDA WA MYIDI MUKULU

¹⁴ Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe Ahimeleke wakakudimuna mukelenge dî, wakamba ne, Muntu kai wa munkatshi mua bantu bebe udi ne kanemu bu Davidi? Udi muku wa mukelenge, wakadi ne butumbi mu nsubu muebe ne wewe wakamuebeshaku lungenyi.

1 Samuele 22:14 교차 참조

1 Samuele 17:25

Kuambilanganabu ne: “Udi mumone muntu ewu! Udi wenza bionsu ebi amu bua kutubunda. Kadi muntu wikale mumutshimune, mumushipe, mukalenga neamunemeshe ne bubanji bua bungi. Neamupe muanende wa bakaji, bua kuikalaye mukajende. Kabidi mu bena Izrayele, mu bena diku dia muntu awu, kabakuikala ne tshilumbu tshia kulambula tshitadi to.”

1 Samuele 18:13

Ke Shawule kumusha Davide pabuipi nende. Kumutekaye mfumu wa tshisumbu tshia bena mvita bende. Biangatshile diba adi, Davide uvua anu mu mvita, ulombola bena mvita.

1 Samuele 18:27

Davide ne bena mvita bavuaye nabu kuya mu mvita, kushipa bena Peleshete nkama ibidi. Davide kuangata makoba a misosu yabu, kuya nawu kua Shawule bua baabale bungi buawu, bua kushalaye muku wende. Ke Shawule kupesha Davide muanende wa bakaji Mikale, bua ikale mukajende.

1 Samuele 20:32

Yonatane kukonka ne: — Udi ne bua kufua bua tshinyi? Tshidiye muenze tshibi ntshinyi?

1 Samuele 21:2

Davide kuya ku Nobe, kumutuangaji Akimeleke. Akimeleke kuya kumuakidila ne bowa, umukonka ne: — Davide, muudi mufike apa anu nkayebe, kuyi ne muntu mukuabu, mbishi?

1 Samuele 22:13

Mukalenga Shawule kumukonka ne: — Wewe ne muana wa Ishayi, nudi bangelela meji mabi bua tshinyi? Wewe uvua mupeshe muana wa Ishayi biakudia, mumupeshe kabidi ne muela. Pashishe uvua mukonke Mvidi Mukulu bua Davide kuntombokela, kunteya bu mudiye muenze lelu!

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.