1 Samuele 20:3 - MUKANDA WA MYIDI MUKULU

³ Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

Mukanda wa Nzambi Dihungila Dikulukulu ne Dihungila Dihia-dihia 2003

³ Davidi wakaditshiha ne, Tatu webe udi mumanye ne, Meme nakasangana luse ku mesu kuebe ne yeye udi wamba ne, Yonatana kimanyi bualu ebu, anyi yeye neanyingalashe mutshima wandi; kadi bu mudi Yehowa ne muoyo ne bu mudi mutshima webe ne muoyo anu katuha kihi kadi kashala hankatshi hanyi ne lufu.

1 Samuele 20:3 교차 참조

2 Samuele 15:21

Kadi Itayi kuandamuna ne: — Mukalenga wanyi, bu mudi Maweja-Nangila ne muoyi, ne bu muudi wewe kabidi ne muoyi, ndi nditshipa ne: Tuyaya nebe muaba uudi uya. Pavuafua netufue nebe: pawikala ne muoyi, nengikale ne muoyi kabidi.

2 Bakalenga 2:2

Tshitupa tshikese, Eliya kuambila Elisha ne: — Ushale muaba ewu. Maweja-Nangila mmuntume ku Betele. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi ku Betele.

2 Bakalenga 2:4

Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Yirmeya 38:16

Kadi mukalenga kuditshipa kudi Yirmeya, bobu bikale amu babidi, wamba ne: — Bu mudi Maweja-Nangila ne muoyi, mutupe kabidi muoyi, ndi nditshipa ne: tshiena mua kukushipesha, nansha kukufila kudi bantu aba badi bajinga lufu luebe to.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Dielulula 28:66

Nenuikale ne mioyi kulukulu, nutshina amu lufu. Butuku ne munya nenuikale anu nuzakala.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.

1 Samuele 17:55

Shawule umona ne: Davide wayi kuluangana ne Ngoliyate, kukonkaye Abnere, mfumu mulombodi wa bena mvita bende, ne: — Abnere, nsongalume ewu mmuana wa nganyi? Abnere kuandamuna ne: — Mukalenga, tshiena mumanye to.

1 Samuele 20:2

Yonatane kuandamuna ne: — Nansha kakese. Kuena mua kulua to. Tatu kena muanji kuenza bualu nansha bumue, kayi muanji kubungambila. Kadi, uvua munsokoke bualu buudi wamba abu bua tshinyi? Kabiena mua kuenzeka to.

1 Samuele 20:4

Ke Yonatane kukonka Davide ne: — Udi musue nkuenzele tshinyi?

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”