1 Samuele 2:29 - MUKANDA WA MYIDI MUKULU

²⁹ Kadi kanuena nunemeka milambu ya nyama ne ya bintu bia mu madimi, imvua mutuma diyi bua kulambula muaba wa tshijila bua tshinyi? Munyinyi muimpe wa mafuta, udi bantu banyi bena Izrayele bandambula, nudi nuangata bua nuenu kudia, kudiunda bua tshinyi? Wewe Eli, udi unemeka bana bebe ba balume, kuyi unnemeka meme kumpala, bipite bua tshinyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Nudi nudiata milambu yanyi ya kuosha ne bintu bidibo bafila kundi binakanuelela mikenji yanyi bua bualu buabi, ne udi utumbishe bana bebe ba balume ku mutu kuanyi bua kudidiundishabo ne bintu bidi bitamba bulengele bia milambu yonso ya bantu banyi Bena Isalele bualu kai?

1 Samuele 2:29 교차 참조

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Yezekiyele 13:19

Nudi numpepeja ku mesu a bantu banyi, anu bua kupeta dianza dia bukula ne bipesa bia mampa. Panudi nutshimbisha bantu banyi, bena bitabataba, nudi nukebela badi kabayi ne bualu lufu, kadi nudi nulama ne muoyi badi bakanyina lufu.

Yezekiyele 34:10

Meme Maweja-Nangila ndi nnukanyina ne: nennuluishe, nnunyenga bulami bua mikoku yanyi. Kanuakuyikuba kabidi to. Kanuakupetaku tshintu to. Nennunyenge mikoku yanyi mukana muenu. Kayakuikala kabidi tshiakudia tshienu.

Yezekiyele 34:2

— Muntu, kanyina bamfumu ba bena Izrayele, ubamanyishe mikanu indi mbakanyina nayi meme Maweja-Nangila. Ndi mbambila ne: “Nuenu balami ba mikoku ba bena Izrayele, nudi bena diakabi. Nudi badivuluke amu nuenu nkayenu! Balami kabena ne bua kudisha mikoku anyi?

Osheya 4:8

Badi bapeta bubanji ku milambu idi bantu banyi bena buenzayi bandambula. Ke mudibu basue bua bena Izrayele benze buenzayi.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Matayi 10:37

— Muntu udi unanga tatuende nansha mamuende bipite mudiye munnange meme, kena mungakanyine to. Muntu udi unanga muanende wa balume nansha wa bakaji bipite mudiye munnange meme, kena mungakanyine meme to.

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Luke 14:26

— Muntu udi undonda, udi ne bua kunnanga meme bipite tatuende, mamuende, mukajende, bana bende, bana babu ba balume nansha ba bakaji, nansha bipite mene mudiye mudinange. Yeye kayi wenza nanku, kena mua kuikala mulongi wanyi to.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.