1 Samuele 17:47 - MUKANDA WA MYIDI MUKULU

⁴⁷ Bena Izrayele bonsu nebajadike ne: Maweja-Nangila bua kutshimunaye, kena ukengela muela, nansha musongolu to. Udi mfumu wa mvita eyi. Neanufile nuenu bena Peleshete mu bianza bietu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ ne bantu bonso ba mu tshisumbu etshi nebamanye ne, Yehowa kena Usungila bantu bua muele wa nvita ne bua difuma, bualu bua nvita idi mu bianza bia Yehowa, yeye nennufile mu bianza bietu.

1 Samuele 17:47 교차 참조

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

2 Kulondolola 14:11

Nanku, Maweja-Nangila kunyemesha bena Kushe, Asa ne bantu bende batangile.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

Yoshua 10:8

Maweja-Nangila kuambila Yoshuwa ne: — Kubatshinyi to. Ndi mbafila kuudi. Muntu nansha umue kakukupita bukole to.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.