1 Samuele 17:43 - MUKANDA WA MYIDI MUKULU

⁴³ Ngoliyate kuela Davide diyi ne: — Paudi ulua kundi bua kunduisha ne dikombu, udi wela meji ne: meme ndi mbua anyi? Mvidie yonsu ya bena Peleshete ikutshipe!

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Muena Peleshete wakambila Davidi ne, Meme ndi mbua bua wewe udi ulua kundi ne bibangu, anyi? Muena Peleshete wakela Davidi mulau mu mena a nzambi yandi.

1 Samuele 17:43 교차 참조

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

2 Samuele 16:5

Mukalenga Davide ufika pabuipi ne Bakurime, kusambakena ne muntu mukuabu, ufuma mu musoku. Dina dia muntu awu divua Shimeyi, muana wa Ngera. Uvua wa mu tshisamba tshimue ne Shawule. Shimeyi kutuadija kutshipa mukalenga Davide,

2 Samuele 16:9

Abishayi, muana wa Seruya kuambila Davide ne: — Mukalenga, Shimeyi ewu udi bu mbua mumane kufua. Kena mua kukupenda musangu mule nenku to. Itabe, nye kumukosa mutu.

2 Samuele 3:8

Abnere umvua nanku, kupeta tshiji tshikole. Kukonkaye Ishebaale ne: — Meme ndi mbua mutomboke udi uditua ku tshia bena Yuda anyi? Too ne mpindiewu, ndi muleje mundi ngitaba diku dia tatuebe Shawule, bana babu ne balunda bende. Ndi muenze muanyi muonsu bua Davide kakukuatshi to. Kadi lelu, udi untandisha bua pandi mubuelele mukaji ewu mu nzubu!

2 Samuele 9:8

Mefibaale, kuinyika mutu, wamba ne: — Mukalenga, udi utata bua kungenzela bionsu abi bua tshinyi? Meme, ndi bu mbua mumane kufua.

1 Bakalenga 20:10

Ke mukalenga Benadade kutumina mukalenga Akabe diyi musangu muisatu, umuambila ne: “Meme mushiye mu Samariya lupuishi lukumbane ludibu mua kuambula kudi bantu bandi nabu, mvidie yonsu innyoke ne dinyoka dikole.”

2 Bakalenga 8:13

Azayele kumukonka ne: — Meme tshiena mukalenga, kadi ndi mua kuenza bionsu ebi mushindu kaayi? Muambi Elisha kuandamuna ne: — Maweja-Nangila udi undeja ne: wewe newikale mukalenga wa bena Siriya.

Nsumuinu 26:2

Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Dibadika 22:6

Ndi nkusengelela ne: ufike kuneku, ubatshipe. Bualu mbatupite bukole! Wewe mubatshipe, misangu mikuabu ndi mua kubatshimuna, kubipata mu ditunga. Meme ndi mujadike ne: wewe muele muntu lupemba, nansha mumutshipe, bidi bienzeka anu muudi muambe.”

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.

1 Samuele 14:12

Nanku kubikilabu Yonatane ne nsongalume wende, bela mbila ne: — Bandilayi kuneku! Tudi basue kunuambila bualu. Ke Yonatane kuambila nsongalume ne: — Tubande, undonde panyima. Maweja-Nangila mmumane kubafila mu bianza bia bena Izrayele.

1 Samuele 24:14

Wewe udi mumanye lusumuinu lua bankambua, ludi luamba ne: “Anu bantu babi ke badi benza bibi.” Nanku meme tshiena mua kukuenzela bibi to.

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!