1 Samuele 14:6 - MUKANDA WA MYIDI MUKULU

⁶ Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yonatana wakambila nsongalume, muambudi wa ngabu wandi, ne, Lua, tuye bietu kudi masalayi au adi kâyi matengula, biasua Yehowa kutukuatshisha; bualu bua kakuena mukandu kudi Yehowa bua kusungila bantu kudi ba bungi anyi kudi bakese.

1 Samuele 14:6 교차 참조

2 Samuele 1:20

Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

2 Kulondolola 14:10

Asa kulomba diambuluisha kudi Maweja-Nangila Mvidi Mukulu wende, wamba ne: — Maweja-Nangila kabiena mua kukukolela mua kuambuluisha bantu badi kabayi ne bukole, pa mutu pa kuambuluisha badi ne bukole. Maweja-Nangila Mvidi Mukulu wetu, utuambuluishe, bualu tudi tutekemena kuudi. Mu dina diebe ke mutudi basemene apa bua kuluisha bena mvita aba. Wewe udi Maweja-Nangila Mvidi Mukulu, kuanyishi bua muntu akutshimmune.

2 Kulondolola 14:11

Nanku, Maweja-Nangila kunyemesha bena Kushe, Asa ne bantu bende batangile.

Misambu 135:6

Maweja-Nangila udi wenza bionsu bidiye musue, nansha mu diulu nansha pa buloba, nansha mu mayi manene, nansha mu kandondu ka buloba.

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Yirmeya 9:25

ke bena Ejipitu, bena Yuda, bena Edome, bena Amone, bena Mowabe, ne bantu bonsu badi basombe mu tshipela badi badibeya nsuki. Bualu bantu aba bonsu, ne bena Izrayele mene, badi bu bantu badibu kabayi banji kuteka panshi, bualu kabena balama ndondu yanyi.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Sefanya 2:3

Nuenu bantu bapuekele bonsu ba mu ditunga, badi batumikila mikenji yende, pinganayi kudi Maweja-Nangila. Kumbajayi tshidiye musue, inyikayi mitu yenu kumpala kua Maweja-Nangila Mvidi Mukulu. Nanku dituku didi Maweja-Nangila ufika munda, bumue kena ununyoka nansha.

Dibadika 10:32

Wewe muye netu, netukusankishe ne bintu bituikala bapete kudi Maweja-Nangila, bu muvuaye mutulaye.

Dibadika 31:4

Nanku nusungule bena mvita tshinunu ku tshisamba tshionsu tshia bena Izrayele.

Matayi 19:26

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Yoshua 14:12

Mpindiewu umpeshe panyi buloba bua mikuna buvua Maweja-Nangila mundaye ku kale. Mvua mukuambile diba adi ne: ndelanganyi ya Anake idi luseke alu. Mmiase bimenga binene, bivuabu bakolesha ne bimana. Kadi bu Maweja-Nangila mungambuluishe, nembipate muvua Maweja-Nangila nkayende mumane kuamba.

Balombodi 15:18

Diakamue Shimeshone kumvua nyota mikole. Kubikilaye Maweja-Nangila bua amuambuluishe, wamba ne: — Eyi, Mvidi Mukulu, wewe ke udi mungambuluishe bua kutshimuna mvita mikole eyi. Kadi mpindiewu, ndi mfua ne nyota, anu bua kunkuatabu kudi bantu abu, badibu kabayi bateke panshi.

1 Samuele 14:5

Lubuebue lua kumpala luvua ku mutu, lutangilangane ne Mikmase. Luibidi luvua kuinshi, lutangilangane ne Ngeba.

1 Samuele 14:7

Muena mudimu kuandamuna ne: — Enza muonsu muudi musue. Tuyaku, meme ndi nkulonda anu bu mudi mundidimbi webe nkulonda.

1 Samuele 17:26

Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.

1 Samuele 17:47

Bena Izrayele bonsu nebajadike ne: Maweja-Nangila bua kutshimunaye, kena ukengela muela, nansha musongolu to. Udi mfumu wa mvita eyi. Neanufile nuenu bena Peleshete mu bianza bietu.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.