1 Samuele 13:19 - MUKANDA WA MYIDI MUKULU

¹⁹ Tshikondu atshi, mu buloba bua bena Izrayele bonsu, kamuvua nsenda wa biamu nansha umue to. Bualu bena Peleshete kabavua basue bua bena Izrayele benza miela nansha mafuma.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kamuakadi mufudi wa biamu mu buloba buonso bua Bena Isalele: bualu bua Bena Peleshete bakadi bamba ne, Bena Ebelu kabadifudidi miele ya nvita anyi mafuma:

1 Samuele 13:19 교차 참조

2 Bakalenga 24:14

Nebukadnesare kuya ne bena Yerushalayime, balombodi ba mu bukalenga, ne bantu bonsu bavua bamanyike bikole. Bantu bonsu bavua binunu dikumi, katuyi tubala bena midimu ya bianza, ne bansenda. Kuvua kushala mu ditunga anu bantu bapela menemene.

Yeshaya 54:16

Vuluka ne: ndi mufuke nsenda wa biamu, utu usonsola kapia, wenza bia mvita mishindu mishilangane. Udi mufuke muntu udi ushipa nabi bantu, mmeme kabidi!

Yirmeya 24:1

Maweja-Nangila kundeja bisaka bibidi bia bimuma bia mfiku, bivua muntu muteke kumpala kua nzubu wa Mvidi Mukulu. Diba adi, Nebukadnesare, mukalenga wa bena Babilone, ukavua mumane kukuata Yekonya, muana wa Yoyakime, mukalenga wa bena Yuda, ne balombodi ba mu bukalenga, bansenda ne bena midimu ya bianza.

Yirmeya 29:2

(Mukanda awu Yirmeya uvua muutume pavuabu bamane kumuka mu Yerushalayime baye mu bupika kudi mukalenga Yekonya, mamuende mukalenga mukaji, balombodi ba mu bukalenga, bamfumu ba Yuda ne ba mu Yerushalayime, bansenda ne bena midimu ya biamu.)

Balombodi 5:8

Bantu bavua basungula mvidie mipiamipia. Katupa kiipi, mvita kutuadija. Kadi bivua bikole bua kupeta ngabu wa mvita, nansha difuma, bua bena Izrayele binunu makumi anayi.

1 Samuele 13:20

Muena Izrayele yonsu, uvua uya kudi nsenda wa bena Peleshete bua kunona tshikasu tshia ku ditempu, kasuyi, bikasu bikuabu, nansha nkasu ya kumbula nayi buloba.