1 Samuele 12:24 - MUKANDA WA MYIDI MUKULU

²⁴ Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Anjai kutshina Yehowa, numukuatshile mudimu mu bulelela ne mitshima yenu yonso; elanganai meji a malu manene akanuenzeleye.

1 Samuele 12:24 교차 참조

2 Bakalenga 17:39

Anu meme Maweja-Nangila Mvidi Mukulu wenu ke unudi mua kutendelela. Bualu anu meme nkayanyi ke udi mua kunusungidila mu bianza bia baluishi benu bonsu.”

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 111:10

Kutshina kua Maweja-Nangila ntshibangidilu tshia meji. Bantu bonsu badi balonda mikenji, badi bajingulula malu. Butumbi bua Maweja-Nangila mbua tshiendelele.

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Yeshaya 5:12

Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Yowanane 1:47

Yezu umona Natanayele ufika kudiye, kuambaye ne: — Ke muena Izrayele mulelela udi kayi ne dishima nansha dikese munda muende.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Dielulula 10:21

Numutumbishe, bualu yeye nkayende ke Mvidi Mukulu wenu. Udi munuenzele malu manene a kukema, adi akuatshisha bowa, anudi bamone.

Dielulula 29:1

Moshe kubikila bena Izrayele bonsu, kubambila ne: — Panuvua mu Ejipitu, nuvua badimuene muvua Maweja-Nangila mukengeshe mukalenga wa bena Ejipitu, balombodi ba mu bukalenga buende, ne bantu bonsu.

Dielulula 29:2

Nuvua badimuene bipupu bikole bivuaye mubakengeshe nabi, ne bishima bia dikema bivuaye muenze.

Ebrewu 12:29

Bualu Mvidi Mukulu wetu udi kapia kadi kubutula.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.