1 Samuele 12:13 - MUKANDA WA MYIDI MUKULU

¹³ Eyowa, nudi ne mukalenga unuvua basungula. Mukalenga unuvua balombe, Maweja-Nangila, wanupeshiye.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku nutangile mukelenge unuakasungula, unuakalomba; monai, Yehowa wakateka mukelenge ku mutu kuenu.

1 Samuele 12:13 교차 참조

Osheya 13:11

Meme kunupesha bakalenga, kadi ne tshiji! Bu mumvua munufikile munda, meme kununyengabu.

Bienzedi 13:21

Kadi bankambua betu kulomba mukalenga kudi Mvidi Mukulu. Yeye kubapesha Shawule, muana wa Kishe, wa mu tshisamba tshia Binyamine. Kushalaye mu bukalenga bidimu makumi anayi.

1 Samuele 10:24

Samuwele kuambila bena Izrayele ne: — Tangilayi! Monayi muntu udi Maweja-Nangila musungule. Kakuenamuntu mukuabu udi mufuanangane nende, munkatshi mua bena Izrayele bonsu. Ke bantu bonsu kuela bibingu ne mbila, bambila Shawule ne: “Mukalenga ukuata ku mundundu”!

1 Samuele 11:15

Bena Izrayele bonsu kuya ku Ngilgale. Bafike mu nzubu wa Mvidi Mukulu, kubandabu tshiakabidi Shawule mu bukalenga. Pashishe kulambulabu Maweja-Nangila milambu ya bobumue. Nanku Shawule ne bena Izrayele bonsu, kusanka bikole.

1 Samuele 12:17

Tudi mu tshikondu tshia kunowa ntete ya kuenza bukula, ki mmomu anyi? Ndi musue kulomba Maweja-Nangila, adidishe makubakuba, alokeshe mvula. Nanku nenujadike ne: nudi benzela Maweja-Nangila tshilema tshipite bunene, panudi balomba bua kuikala ne mukalenga.

1 Samuele 12:19

Kuambilabu Samuwele ne: — Usengelele Maweja-Nangila Mvidi Mukulu wetu bualu buetu, bua katufu to. Bualu ku malu mabi onsu atudi benza, tudi basakidila kabidi bualu bubi bukuabu bua dilomba dia mukalenga.

1 Samuele 8:5

bamuambila ne: — Wewe Samuwele udi mumane kukulakaja, kadi bana bebe ba balume kabena balonda tshilejilu tshiebe to. Nanku, utupeshe mukalenga udi mua kushala mfumuetu, anu bu mudi bantu ba bisamba bikuabu ne muntu udi ubalombola kashidi.

1 Samuele 9:20

Kadi bua nyama ya mpunde idi mijimine kukadi matuku asatu, kuditatshishi to. Mbamane kuyimona. Kadi mpindiewu, mbimpe umanye muntu udi bena Izrayele bonsu batekemena. Bena Izrayele mbakutekemena anu wewe, batekemena kabidi ne bena nzubu wa tatuebe.