1 Samuele 12:10 - MUKANDA WA MYIDI MUKULU

¹⁰ Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bobo bakadila kudi Yehowa, bakamba ne, Tuakenza bibi, bualu bua tuetu tuakalekela Yehowa, tuakakuatshila Babâla ne Bashatelota mudimu; kadi katataka utusungile mu bianza bia badi nʼetu lukuna, ne tuetu netukukuatshile mudimu.

1 Samuele 12:10 교차 참조

Misambu 106:44

Maweja-Nangila kumvua miadi yabu, kumonaye dikenga diabu.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Yoshua 13:31

Muvua kabidi tshitupa tshia ditunga dia Ngilaade, ne bimenga bia Ashetarote ne Edreyi, bimenga binene bia kale bia Oge, mukalenga wa Bashane. Buloba buonsu ebu bavua babuabanyine tshia bibidi tshia meku a ndelanganyi ya Makire, muana wa Menashe.

Balombodi 10:10

Kubikilabu Maweja-Nangila bua abambuluishe, bamuambila ne: — Tudi bakuenzele bibi. Bualu tudi bakulekele wewe Mvidi Mukulu wetu, bua kutendelela mvidie Baale.

Balombodi 2:11

Bena Izrayele kuenza malu avua Maweja-Nangila ubenga. Kutuadijabu kutendelela mvidie Baale.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.

Balombodi 3:7

Bena Izrayele kuenza malu mabi avua Mvidi Mukulu wabu mubenge. Kupuabu Maweja-Nangila muoyi. Kutendelelabu mvidie Baale ne Ashera.

Balombodi 3:9

Bena Izrayele kudila, kubikila Maweja-Nangila bua abambuluishe. Maweja-Nangila kubatumina Otniyele, muana wa Kenaze (Kenaze mmuakunyi wa Kalebe), bua abasungidile.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

Balombodi 6:7

Bena Izrayele bamane kulomba Maweja-Nangila, bua abasungidile kudi bena Madiyane,

1 Samuele 7:2

Mushete wa tshijila wa Maweja-Nangila mumane kufika ku Kiriyate-Yeyarime, uvua mushalemu bidimu makumi abidi. Bena Izrayele bavua bajinga mua kusemena pabuipi ne Maweja-Nangila.

1 Samuele 7:6

Bena Izrayele kudisangisha ku Mispa. Kusunabu mayi, kuitshikijabu panshi kumpala kua Maweja-Nangila. Kujilabu biakudia dituku adi. Pashishe kutondabu mibi yabu, bamba ne: tuvua batombokela Maweja-Nangila. Nanku, anu ku Mispa aku, Samuwele kutuadija kulombola bena Izrayele.