1 Samuele 11:7 - MUKANDA WA MYIDI MUKULU

⁷ Kusayaye ngombe ibidi ayi. Pashishe kutumaye bantu ne munyinyi wa ngombe awu mu ditunga dia bena Izrayele dijima, ubadimuja ne: — Mushindu utudi benza ngombe eyi, ke muenzelebu ngombe ya muntu yonsu udi ubenga mua kuya ku mvita ne Shawule ne Samuwele. Bena Izrayele bonsu kutshina, kudisangisha lukasa, benza anu bu muntu umue.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakangata ngombe ibidi yakadi ku mutshi wa tshikokedi, wakayisaya munyinyi, wakayituma mu bianza bia miloho ei ku matshika onso a Isalele, Wamba ne, Yonso udi kayi ulonda Shaula ne Samuele, nebenzele ngombe yandi nunku. Ditshina dia Yehowa diakakuata bantu bonso, bakaluhuka diatshimue.

1 Samuele 11:7 교차 참조

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

2 Kulondolola 14:14

Kuluishabu kabidi mitanda ya balami ba bimuna. Kuangatabu mikoku ya bungi ne nyama ya tumelu. Pashishe kupinganabu mu Yerushalayime.

2 Kulondolola 17:10

Makalenga onsu avua ku mutumba kua ditunga dia bena Yuda, kutshinawu Maweja-Nangila. Muntu nansha umue kavua mua kuluisha Yosafate to.

2 Kulondolola 19:7

Nunemeke Maweja-Nangila. Nudimuke bua binudi nuenza. Bualu Maweja-Nangila Mvidi Mukulu wenu, kena musue buenzayi, kansungansunga, nansha bintu bia mabuejila.

Yeshaya 8:13

Manyayi amu ne: meme Maweja-Nangila muena bukole buonsu, ndi wa tshijila. Amu meme ke wakunemeka nkayanyi, amu meme ke unudi ne bua kuzakela.

Balombodi 19:29

Muena Levi ufika kuende, kuangataye muele, kukosololaye tshitalu tshia muena kuende mabulu dikumi ne abidi. Kutuminaye tshisamba tshionsu tshia bena Izrayele, dibulu ku tshisamba, dibulu ku tshisamba.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.