1 Samuele 10:27 - MUKANDA WA MYIDI MUKULU

²⁷ Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi bantu bakuabo balembakane bakakonkangana ne, Muntu eu neatusungile munyi? Nunku bakamulengulula, kabakamuha kantu kakese. Kadi yeye wakahuwa biandi talalâ.

1 Samuele 10:27 교차 참조

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

1 Bakalenga 10:25

Ku tshidimu tshionsu, bantu bonsu aba bavua bakadila Shelomu bintu bia kumusankisha nabi: bintu bienza ne tshiamu tshitoke tshia mushinga mukole, ne tshiamu tshia mpawungi, bilamba, bintu bia kuluangana nabi mvita, manananshi, nyama ya tubalu nansha ya mpunde.

1 Bakalenga 5:1

Bualu mukalenga Shelomu uvua ukokesha makalenga makese onsu, biangatshile ku musulu munene wa Perate ne ku ditunga dia bena Peleshete, too ne ku mukalu wa ditunga dia bena Ejipitu mene. Bakalenga bonsu bavua mu matunga aa bavua amu ku bumfumu bua mukalenga Shelomu. Bavua bamulambula milambu, bamuenzela mudimu matuku onsu avuaye ne muoyi.

2 Kulondolola 13:7

Bantu batshimbakane kutua ku luseke lua Yerobowame, kubenga Robowame. Kadi Robowame, muana wa Shelomu, utshivua nsongalume, kayi mupite kujingulula malu a mvi-ta. Kavua ne mushindu wa kukandamana. Ke muvuabu bamupite bukole.

2 Kulondolola 17:5

Nanku, Maweja-Nangila kushindika bukalenga bua Yosafate. Bena Yuda bonsu bavua balambule Yosafate bintu bia kumusankisha nabi. Nanku uvua ne bubanji, kabidi ne lumu lua bungi.

Misambu 38:13

Badi bankebela lufu, badi banteya mateyi. Badi banjingila diakabi, badi bangelela tshifufu tshibi, basombela amu bua kunjana.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Muambi 7:21

Kuteleji bionsu bidi bantu bamba, bualu udi mua kumvua mudi muena mudimu webe ukujana.

Yeshaya 36:21

Bantu bonsu bavua muaba awu kushalabu amu bapuwa, nansha wa kuandamuna diyi, bualu ke muvua mukalenga Izkiya mumane kubambila.

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Bienzedi 7:35

Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.

Dielulula 13:13

Dituku dikuabu, nudi mua kumvua ne: mu tshimue tshia ku bimenga, bidi Maweja-Nangila Mvidi Mukulu wenu munupe bua kusomba,

1 Samuele 11:12

Pashishe bena Izrayele kukonka Samuwele ne: — Bantu bavua babenga bua Shawule kikadi mukalenga wetu, badi penyi? Batupeshabu, tubashipe!

1 Samuele 11:13

Shawule kuandamuna ne: — Kabena mua kushipa muntu nansha umue dituku dia mushindu ewu to. Bualu lelu ndituku didi Maweja-Nangila mupeshe bena Izrayele bukole bua kutshimuna.

1 Samuele 16:20

Ishayi kuangata nyama wa mpunde, kutekapu mampa, mulondu wa biseba muela maluvu a mvinyo tente, ne muana mbuji. Kupeshaye Davide bintu abi bua kutuadilaye Shawule.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.