1 Korente 8:10 - MUKANDA WA MYIDI MUKULU

¹⁰ Bualu muntu udi ne ditaba ditekete, udi mua kukumona wewe, udi wamba ne: ndi mumanye malu, udia mu nzubu wa kutendelela mvidie. Diba adi kuena umusaka bua adie munyinyi uvuabu balambule, udi kondu kende ka munda kabenga anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Biakumona muntu, wewe muena lungenyi, ushikama bua kudia mu ntempelo wa luhingu, bikaleye mutekete, muoyo-mukese wandi kawena ukoleshibua bua kudieye bintu bia kutendelelabo nʼabi mpingu, anyi?

1 Korente 8:10 교차 참조

Amosa 2:8

Bilamba bivua bapele bafila bu tshieya, badi babiadija panshi, balalapu miaba yonsu idibu batendelela mvidie. Mu nzubu ya mvidie yabu ayi, badi banuinamu maluvu, avuabu banyenge bantu ku bukole.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Rome 14:14

Ndi mumanye, mushindike menemene ne: patudi bamane kudisanga ne Mfumu Yezu, kakuena tshintu tshidi tshibi tshiotshi nkayatshi. Kadi amu padi muntu wela meji ne: tshintu etshi ntshibi, nanku tshidi tshibi kudiye.

Rome 14:23

Kadi udi udia biakudia, wela mpata, Mvidi Mukulu neamupishe padiye ubidia, bualu kena ulonda ditaba didiye nadi. Bualu buonsu budibu benza budi kabuyi bufuma ku ditaba didi muntu nadi, mbualu bubi.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

1 Korente 8:7

Kadi bantu bonsu kabena bamanye bualu ebu to. Bamue badi bibidile ditendelela mvidie. Nanku too ne ku lelu, padibu badia minyinyi eyi, badi amu bela meji ne: tudi tunemeka mvidie ayi. Ke mudi kondu kabu ka munda kabapisha, padibu badia tshiakudia tshia nanku.

1 Korente 8:9

Kadi dimukayi! Bualu panudi nuenza nanku, nudia bionsu binudi basue, bumue nudi mua kulenduisha badi batekete mu ditaba.

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.