1 Korente 7:34 - MUKANDA WA MYIDI MUKULU

³⁴ Muoyi wende udi usumpakana ne: ngenze etshi, ngenze tshiatshia. Mukaji kabidi udi kayi mu dibaka, nansha nsongakaji, udi usumpakana bua malu a Mfumu, bualu udi ukeba kusankisha Mfumu mu bionsu bidiye wenza, nansha wela meji. Kadi mukaji udi mu dibaka, udi usumpakana bua malu a panu, ukeba kusankisha bayende.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ ne yeye udi mutahulula mu nseke ibidi. Nunku mukashi udi kai ne mulume ne mukashi utshidi kamama badi baditatshila bua bintu bia Mukelenge, bua bobo bikale ba tshijila mu mubidi ne mu nyuma kabidi; kadi mukashi udi ne mulume udi uditatshila bua bintu bia ha buloba, bu mudiye mumanye mua kusankisha mulume wandi.

1 Korente 7:34 교차 참조

Yowanane 10:13

Udi unyema, bualu mmuena mudimu udi ukeba difutu. Kena bualu ne mikoku to.

Rome 6:13

Kanufidi kabidi bidimba bishilangane bia mubidi wenu ku malu mabi, bu biamu bia mudimu bia kuenza nabi bidi Mvidi Mukulu ubenga. Kadi nudifile kudi Mvidi Mukulu, bu bantu bavua babike ku lufu, bapete muoyi. Nudifile muenu muonsu bua kumuenzela mudimu. Bidimba bienu bikale biamu bia mudimu bia kuenza nabi bidi Mvidi Mukulu musue.

1 Korente 6:20

Mvidi Mukulu mmunusumbe, mufute mushinga. Nanku tumbishayi Mvidi Mukulu mu mubidi wenu.

1 Korente 7:33

Kadi udi mu dibaka, udi usumpakana bua malu a panu, ukeba kusankisha mukajende.

1 Korente 7:35

Ndi ngamba nanku bua kunuenzela bimpe, ki mbua kunuenzeja malu ku bukole. Ndi musue bua nuenze amu malu mimpe, nukuatshile Mfumu mudimu muenu muonsu.

2 Korente 11:28

Mvua mua kutela bikuabu bia bungi. Kadi ntshidi ntela amu tshimue: ke bujitu bundi nabu matuku onsu, ntatshila Bisumbu bionsu bia bena ditaba.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

1 Timote 3:5

Bualu padi muntu kayi mumanye mua kulombola nzubu wende, udi mua kuludika Tshisumbu tshia bena ditaba munyi?

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.