1 Korente 14:13 - MUKANDA WA MYIDI MUKULU

¹³ Nanku udi wakula mu miakulu idi bantu kabayi bamanye, udi mua kulomba kudi Mvidi Mukulu dipa dia kuyumvuija.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku muntu udi wakula muaku udi bantu kabai bamanye, alombe Nzambi bua yeye amanye mua kubajinguluila muaku.

1 Korente 14:13 교차 참조

Marke 11:24

Ke pandi nnuambila ne: Panudi nutendelela bua kulomba tshintu, nuitabe ne: nudi bamane kutshipeta kundi, nebanupeshetshi.

Bienzedi 1:14

Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Bienzedi 8:15

Bobu bamane kufika mu Samariya, kutendelelabu Mvidi Mukulu, bua bena ditaba bapete Mueyelu wa Tshijila.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 12:30

nansha bua kuondapa babedi, nansha bua kuakula miakulu idi bantu kabayi bamanye, nansha bua kuyumvuija.

1 Korente 14:12

Nanku bu munudi ne nzala ya kupeta mapa a kudi Mueyelu wa Tshijila, kebayi nangananga mapa adi ambuluisha Tshisumbu tshia bena ditaba.

1 Korente 14:14

Bualu pandi ntendelela, ngakula mu miakulu idi bantu kabayi bamanye, Mueyelu udi utendelela munda muanyi. Kadi lungenyi luanyi kaluena ku ditendelela adi to.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.