1 Bakalenga 8:60 - MUKANDA WA MYIDI MUKULU

⁶⁰ Nanku, bantu ba bisamba bionsu bia pa buloba, nebamanye ne: Maweja-Nangila ke Mvidi Mukulu, kakuena mukuabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁶⁰ bua bantu bonso ba ha buloba bamanye ne, Yehowa udi Nzambi; kakuena mukuabo.

1 Bakalenga 8:60 교차 참조

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

1 Bakalenga 8:59

Maweja-Nangila Mvidi Mukulu wetu, avuluke butuku ne munya bionsu bindi mumulombe ebi. Nanku, atuambuluishe matuku onsu. Bualu nuenu ne meme tudi bantu bende.

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yeshaya 44:8

Nuenu bantu banyi, kanutshinyi, kanuikadi ne bowa. Nkadi mumane kunumanyisha kale, nkadi mumane kunusokoluela, malu adi ne bua kuenzeka. Ke bualu bunudi bamanye bimpe. Ke bualu bunudi mua kujadika nuenu mene. Kudi Mvidi Mukulu mukuabu anyi? Too, kakuena Dibue dikuabu. Meme tshiena mumanye nansha dimue.”

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yowele 2:27

Nanku, nuenu bena Izrayele, nenumanye ne: ndi munkatshi muenu. Maweja-Nangila Mvidi Mukulu wenu mmeme, kakuena mukuabu. Tshiena mua kufuisha bantu banyi bundu kabidi musangu nansha umue.”

Dielulula 4:35

Nuenu nudi bena diakalenga, bualu nuakumona bionsu ebi, bua nujadike ne: Maweja-Nangila nkayende ke Mvidi Mukulu, kakuena mvidie mukuabu, amu Yeye.

Dielulula 4:39

Kutuadijila lelu, nuele meji, nujadike ne: Maweja-Nangila udi anu Mvidi Mukulu nkayende mu diulu ne pa buloba. Kakuena mvidie mukuabu to, amu yeye.

Yoshua 4:24

Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.