1 Bakalenga 8:40 - MUKANDA WA MYIDI MUKULU

⁴⁰ Wewe muenzele bena Izrayele nanku, nebakunemeke kashidi, matuku onsu adibu ne muoyi pa buloba ebu buuvua mumane kupesha bankambua babu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ bua bobo bakutshine matuku onso adibo bashikame mu buloba buwakaha bankambua babo.

1 Bakalenga 8:40 교차 참조

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

1 Bakalenga 8:39

wewe Maweja-Nangila, mu diulu muudi usomba, wikale muteleje. Ubafuile luse. Wenzele muntu yonsu bilondeshile malu adiye wenza. Bualu udi mumanye muoyi wende. Bushuwa, wewe nkayebe udi mumanye muoyi wa muntu yonsu.

1 Bakalenga 8:41

“Padi bantu batumbisha dina diebe dia butumbi, bamanyishangana bukole buudi wenza nabu bishima, bantu benyi nebumvue lumu alu. Nanku, muntu muenyi yonsu udi kayi wa mu tshisamba tshia bantu bebe bena Izrayele, padiye ufuma kule, ufika mu nzubu emu bua kukutendelela,

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Misambu 130:4

Wewe udi ne luse, ke padi bantu bakunemeka.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Dielulula 12:1

Meyi ne mikenji binudi ne bua kukumbaja matuku onsu mu ditunga, didi Maweja-Nangila, Mvidi Mukulu wa bankambua benu, munupe bua kusomba kashidi, bidi nunku:

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Yoshua 4:24

Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 19:5

Diyi kufumina ku nkuasa wa butumbi, diamba ne: “Nuenu bonsu bantu ba Mvidi Mukulu, tumbishayi Mvidi Mukulu wetu, nuenu bonsu badi bamunemeka, baneme ne bashadile!”

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.