1 Bakalenga 6:32 - MUKANDA WA MYIDI MUKULU

³² Ku bitupa bionsu bibidi bia tshiibi, bavua basongaku bakerubine, malala a mabue, ne bilongu bimane kutayika. Kubilamikabu tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

³² Bakenza bibi bibidi bia mitshi ya olive, bakabisonga ne bakeluba ne mabue a ngashi ne bilongo, bakalamika tshiamu tshia or ha nyima habi bionso; bakalamika or ha bakeluba ne ha mabue a ngashi kabidi.

1 Bakalenga 6:32 교차 참조

1 Bakalenga 6:18

Mabaya a munda mua nzubu wa Mvidi Mukulu avua malengaja, mazola bimuma bia mutshi wa kolokinte, ne bilongu bimane kutayika. Ku bimana bionsu, kuvua kulamika mabaya a mutshi wa sedre. Nanku, dibue dia ku tshimana nansha dimue kadivua dimueneka to.

1 Bakalenga 6:23

Pashishe, kusongabu mutshi wa olive wa ditu, kuenzabu mpingu ibidi ya bakerubine bua kuteka mu tshibambalu tshivua ne mushete wa ndondu. Kerubine yonsu uvua metre atanu mu bule. Kerubine wa kumpala, uvua ne mapuapua, mikale metre abidi ne tshitupa mu bule. Nanku, mapuapua ende onsu avua ne metre atanu mu bule. Kerubine muibidi, uvua kabidi ne metre atanu. Uvua anu bunene bumue, mufuanangane ne Kerubine wa kumpala.

1 Bakalenga 6:29

Ku mabaya onsu a ku bimana bionsu bia ku nzubu wa Mvidi Mukulu, mu bibambalu bionsu bibidi, bavua bazola bakerubine, malala a mabue, ne bilongu bimane kutayika.

1 Bakalenga 6:31

Bua kuinjila ku tshibambalu tshivua ne mushete wa ndondu, kuenzabu tshiibi tshia mutshi wa olive wa ditu, tshia kunzulula nseke ibidi. Kadi mabaya avua ku tshiibi avua tshia bitanu tshimue tshia tshiibi mu butshiama.

1 Bakalenga 6:33

Kuenzabu kabidi tshiibi tshia kuinjila ku tshibambalu tshinene. Kadi mabaya a mutshi wa olive wa ditu avua ku tshiibi, avua tshia binayi tshimue tshia tshiibi mu butshiama.

2 Kulondolola 4:22

bintu bia kusukula nabi miendu, makopu a kumiamina nawu ne makopu makuabu, mbabula, bionsu bienza ne tshiamu tshia mpawungi menemene, biibi bia nzubu wa Mvidi Mukulu, ne bidi bitangila muaba wa tshijila menemene, ne bidi bitangila ku tshibambalu tshinene, bienza ne tshiamu tshia mpawungi.

Yezekiyele 40:16

Madidishi avuabu bakoleshe ne tukanu avua ku bimana bia pa mbelu bia bibambalu, ku bimana bivua bikosolola bibambalu, too ne ku bimana bia tshibambalu tshinene tshia ndekelu. Madidishi onsu aa avua amueneka pambelu makese, kadi munda mikale manene. Bavua bazola malala a mabue ku bimana bia munda mua bibambalu.

Yezekiyele 41:18

bimfuanyi bia bakerubine ne bia malala a mabue. Tshimfuanyi tshionsu tshia malala a mabue tshivua tshilonda tshia bakerubine. Mukerubine yonsu uvua ne mpala ibidi.