1 Bakalenga 6:14 - MUKANDA WA MYIDI MUKULU

¹⁴ Bena mudimu bamane kujikija dibaka dia nzubu wa Mvidi Mukulu bu muvua Shelomu mubambile,

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku Solomo wakibaka nsubu, wakamumana.

1 Bakalenga 6:14 교차 참조

1 Bakalenga 6:38

Pashishe mu ngondu wa Bule, mmumue ne: ngondu wa muanda mukulu, Shelomu mumane kushala mu bukalenga bidimu dikumi ne tshimue, kujikijabu diasa dia nzubu mujima, anu mushindu uvuabu balongolola bua kuasa. Nanku, nzubu wa Mvidi Mukulu awu, bavua bamuasa mu bidimu muanda mutekete.

1 Bakalenga 6:9

Bua kujikija diasa dia nzubu wa Mvidi Mukulu, kuenzabu tshisasa ne mabaya manene ne makese a mutshi wa sedre.

1 Bakalenga 7:51

Mukalenga Shelomu mumane kujikija midimu yonsu ya dibaka nzubu wa Maweja-Nangila, kuangataye binta bionsu bivua tatuende Davide mujidile Maweja-Nangila: biamu bitoke bia mushinga mukole, tshiamu tshia mpawungi, ne bintu bia mishindu yonsu, kubitekaye mu tshibambalu tshia mu nzubu wa Mvidi Mukulu tshivuabu batekela bintu bionsu bia mushinga mukole.

1 Bakalenga 9:25

Mukalenga Shelomu, mua ulambula milambu ya kuosha ne ya bobumue misangu isatu ku tshidimu tshionsu. Uvua osha milambu ayi mu dina dia Maweja-Nangila patshilambuilu tshivuaye muashile Maweja-Nangila. Nanku, mu nzubu wa Mvidi Mukulu bavua benzelamu mudimu uvuabu bamuibakila.

Ekesode 40:33

Pashishe Moshe kuasa lupangu luvua lunyungulula ntenta wa kusambakena ne tshilambuilu. Kulembelejaye tshilamba mu mushiku wa mbelu wa lupangu alu. Mudimu uvua Moshe muenze kujikawu.