1 Bakalenga 6:13 - MUKANDA WA MYIDI MUKULU

¹³ Meme nensombe mu nzubu ewu munkatshi mua bantu banyi bena Izrayele kashidi. Tshiena mua kubalekela to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nenshikame munkatshi mua Bena Isalele, tshiena ndekela bantu banyi, Bena Isalele.

1 Bakalenga 6:13 교차 참조

1 Bakalenga 8:27

“Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 68:18

Mvidi Mukulu udi ne matempu a mvita binunu ne binunu. Maweja-Nangila mmufume nawu ku mukuna wa Sinayi, uya ku muaba wende wa tshijila.

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Ekesode 29:45

Meme nengikale Mvidi Mukulu wa bena Izrayele musombe munkatshi muabu.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Lewitiki 26:11

Nzubu wanyi wa tshijila neikale munkatshi muenu. Tshiena mua kunubenga to.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.