1 Bakalenga 22:47 - MUKANDA WA MYIDI MUKULU

⁴⁷ ne mushindu uvuaye muipate balume ne bakaji bonsu bavua benda tshiendenda mu nzubu ya mvidie yabu bua kuyitendelela. Bavua bashala benza nanku nansha tshikondu tshia tatuende Asa.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Kakuakadi mukelenge mu Edome; anu muloho wakadi mukelenge.

1 Bakalenga 22:47 교차 참조

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Genese 27:40

Neupete biakudia, amu wewe muluangana mvita, newikale mupika wa muakunyebe Yakobe. Kadi neudipikule amu nkayebe. Neutshibule mutshi wa mujuwu, uvuaye mukuambuishe ku bukole, neuwumushe pa nshingu.”

2 Samuele 8:14

Davide kuteka balombodi ba bukalenga buende mu Edome. Bena Edome kushala ku bumfumu bua Davide. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

1 Bakalenga 15:12

Kuipataye mu ditunga balume ne bakaji bavua benda tshiendenda mu nzubu ya mvidie yabu. Kumushaye mpingu yonsu ya kutendelela mvidie ivua bankambua bende benza.

2 Bakalenga 3:9

Bakalenga aba, wa bena Izrayele, wa bena Yuda, ne wa bena Edome kutuadija luendu. Bobu bamane kuenda matuku muanda mutekete, kabena bapeta kabidi mayi bua bena mvita kunuabu, nansha bua kunuisha nyama ivuabu nayi to.

2 Bakalenga 8:20

Pavua Yorame mu bukalenga, bena Edome kutombokela bena Yuda. Kudisunguilabu wabu mukalenga.