1 Bakalenga 22:30 - MUKANDA WA MYIDI MUKULU

³⁰ Akabe, mukalenga wa bena Izrayele, kuambila Yosafate ne: — Ndi musue kudisokoka, kuvuala bilamba bia muntu mukuabu, bua meme kuya mu mvita. Kadi wewe Yosafate uvuale bilamba bia bukalenga. Nenku, Akabe mukalenga wa bena Izrayele, kudisokoka bu muntu mukuabu, bua kuya mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mukelenge wa Isalele wakambila Yehoshafata ne, Meme nendifuanyikishe bu muntu mukuabo hanaya mu nvita, kadi wewe uluate bilulu bia mukelenge. Mukelenge wa Isalele wakadifuanyisha bu muntu mukuabo, wakaya mu nvita.

1 Bakalenga 22:30 교차 참조

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

1 Bakalenga 14:2

Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

1 Bakalenga 20:38

Nanku, muambi awu, kudisokoka, kuvuala bilamba bia muntu mukuabu, kuasaye tshifulu tshibuikila mu mpala. Kuyaye kuimana ku mpenga kua njila, muaba uvua mukalenga Akabe upitshila.

1 Bakalenga 22:10

Pavua bambi babambila malu, Akabe, mukalenga wa bena Izrayele, ne Yosafate, mukalenga wa bena Yuda, bavua basombe mu nkuasa yabu ya bukalenga. Bavua bavuala bilamba bia bukalenga, basombe pabuipi ne tshiibi tshia ku tshimenga tshia Samariya.

2 Kulondolola 18:29

Akabe, mukalenga wa Izrayele, kuambila Yosafate ne: — Ndi musue kuya mu mvita mushindu udi bantu kabammanyi. Nanku nemvuale bilamba bia patupu bua ngenze bu muntu mukuabu. Kadi wewe Yosafate uvuale bilamba biebe bia bukalenga. Nanku Akabe, mukalenga wa Izrayele, mumane kuvuala bilamba bia patupu, kuyabu mu mvita.

2 Kulondolola 35:22

Kadi Yoshiya uvua anu musue kuluisha Neko. Kavuamuteleje miaku ivuabu bamutumine kudi Mvidi Mukulu mene. Yoshiya kuvuala bilamba bia muntu mukuabu bua kabamumanyi. Kuyaye mu mpata wa Megido bua kuluangana mvita.

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

1 Samuele 28:8

Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.