1 Bakalenga 22:25 - MUKANDA WA MYIDI MUKULU

²⁵ Muambi Mika kuandamuna ne: — Eyowa! Wewe neujadike bionsu ebi, dituku diwikala musokome mu tshibambalu tshia munda mua nzubu webe.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Mikaya wakamuambila ne, Wewe neumone dituku diudi ubuela mu tshisokomenu tshiebe bua kusokoma.

1 Bakalenga 22:25 교차 참조

1 Bakalenga 20:30

Bantu bavua bashale binunu makumi abidi ne muanda mutekete, kunyema, kuya mu tshimenga tshia Afeke. Kadi, bimana bia tshimenga atshi kubupukila. Benadade kabidi uvua mua kunyema mu tshimenga atshi, musokome mu tshibambalu tshikuabu tshia munda mua nzubu menemene.

1 Bakalenga 22:26

Pashishe, Akabe, mukalenga wa bena Izrayele, kutuma diyi kudi muena mudimu wende ne: — Ukuate muambi Mika, umufile kudi mulombodi wa tshimenga tshia Amone ne kudi Yowashe, muana wa mukalenga.

2 Bakalenga 9:2

Pawafika, umonangane ne muikulu wa Nimshi, dina diende Yehu, muana wa Yosafate. Umubikile, umuke nende munkatshi mua bana babu, uye nende mu tshibambalu tshikuabu.

Yirmeya 23:15

Maweja-Nangila wa bukole buonsu udi wamba bua bambi ne: “Nembadishe bintu bia bululu, nembanuishe mayi a lulengu ku bukole. Bualu bambi ba mu Yerushalayime badi mpokolu wa malu mabi, adi anyanga ditunga dijima.”

Yirmeya 29:32

meme Maweja-Nangila ndi nshindika ne: nenshipe Shemaya ne ndelanganyi yende yonsu. Muntu nansha umue wa ku diku diende kena ushala ne muoyi munkatshi muenu bua kumona malu mimpe angenzela bantu banyi. Bualu Shemaya mmusake bantu banyi bua bantombokele. Meme Maweja-Nangila ndi njadika nanku.”

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

Amosa 7:17

“Mukajebe neenze mudimu wa ndumba mu tshimenga tshienu etshi. Bana bebe ba balume ne ba bakaji, nebabashipe mu mvita. Bantu bakuabu nebabanyangane mpangu ne madimi biudi nabi. Wewe mene neufuile kua bende, mu buloba budi ne mikiya. Bena Izrayele, nebaye nabu ku bupika, mutantshi mule ne diabu ditunga.”

Dibadika 31:8

Kushipabu kabidi Balaame, muana wa Beyore, pamue ne bamfumu batanu ba bena Madiyane: Evi, Rekeme, Sure, Ure ne Reba.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.