1 Bakalenga 22:22 - MUKANDA WA MYIDI MUKULU

²² Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa wakamuebesha ne, Bishi? Wakamba ne, Nenye, nengikale bu nyuma wa kudinga mukana mua baprofete bandi bonso. Yeye wakamuambila ne, Wewe neumudinge, neumuhite bukole; ya, wenze nunku.

1 Bakalenga 22:22 교차 참조

1 Bakalenga 13:18

Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

1 Bakalenga 22:20

Nanku, Maweja-Nangila kukonka ne: “Udi mua kuya kushima Akabe bua kuyaye kuluisha tshimenga tshia Ramote tshidi mu ditunga dia Ngilaade, kumushipelabu mu tshimenga atshi nnganyi?” Kufilabu meji mushilangane.

1 Bakalenga 22:21

Nanku, mutumibue uvua ulombola bambi, kusemena kudi Maweja-Nangila, umuambila ne: “Meme nenye kumushima!” Maweja-Nangila kukonka ne: “Neuye kumushima mushindu kaayi?”

2 Bakalenga 3:13

Muambi Elisha kukonka mukalenga wa bena Izrayele ne: — Udi mulue kumatshisha bua tshinyi? Udi mua kuya kuebeja malu kudi bambi ba tatuebe, nansha bambi ba mamuebe! Mukalenga wa bena Izrayele kubenga ne: — Nansha! Tuetu bakalenga basatu, Maweja-Nangila ke udi mututume muaba ewu, bua kutufila mu bianza bia bena Mowabe.

Yobe 1:12

Maweja-Nangila kumuandamuna ne: — Nanku, angata bionsu bidiye nabi. Kadi kumulengi yeye nansha. Ke mufundianganyi kumuka muaba uvua Maweja-Nangila.

Yobe 12:16

Amu yeye ke udi ne bukole, anu yeye ke udi utshimuna. Muntu udi upambuka, ne muntu udi upambuisha mukuabu, bonsu babidi mbantu bende yeye.

Misambu 109:17

Uvua utshipa bantu: mulawu umukuate! Kavua wela bantu lupemba: yeye kabidi kabamuedi lupemba!

Yeshaya 19:14

Maweja-Nangila mmubatshiompakaje. Ke mudibu bapambula bena ditunga, mu midimu yonsu idi bena Ejipitu benza. Mbafuanangane ne muntu mukuatshike maluvu, utetukila mu bilushi biende.

Yezekiyele 14:9

“Padi muambi utupakana, wandamuna nkayende, ke meme Maweja-Nangila udi muanyishe bua kuakulaye nanku. Kadi nemmuleje bukole buanyi, nemmumushe munkatshi mua bantu banyi bena Izrayele.

Zekâya 13:2

Maweja-Nangila wa bukole buonsu udi wamba ne: Dituku adi, nengumushe mu ditunga mpingu ya kutendelela nayi nwidie. Muntu nansha umue kakuvuluka kabidi nansha mena ayi. Nengumushe kabidi mu ditunga bantu bonsu badi badiamba ne: tudi bambi. Nentuyishe dijinga dienu dia kutendelela nwidie.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.

1 Yone 4:6

Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Didimanyisha 17:17

Bualu Mvidi Mukulu mmubapeshe meji a kukumbaja bidiye musue. Nebumvuangane, bapeshe nyama bukalenga buabu, too ne pakumbana miaku ivua Mvidi Mukulu muambe.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

Didimanyisha 20:3

Mutumibue kumuela mu kandondu, kukanga ne nsapi, kutua tshitampi, bua nyoka wa tshidika kamonyi mua kupambula kabidi bisamba bia bantu, too ne muakumbana bidimu tshinunu. Pakumbana bidimu ebi, nebanji kumulekela bua katupa kipi.

Didimanyisha 20:7

Papita bidimu tshinunu, nebapande diabolu mu lukanu.

Balombodi 9:23

Pashishe Mvidi Mukulu kutuma tshimvundu pankatshi pa mukalenga Abimeleke ne bena Shekeme, kabatshiyi bumvuangana kabidi to. Bena Shekeme kutombokela Abimeleke.

1 Samuele 16:14

Mueyelu wa Maweja-Nangila kumuka kudi Shawule. Maweja-Nangila kutumina Shawule mukishi mubi bua kumukengeshawu.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

1 Samuele 19:9

Dituku dikuabu, mukishi mubi mutuma kudi Maweja-Nangila, kutulukila Shawule, pawaye mu nzubu muende ne difuma mu tshianza. Pavua Davide wimbila Shawule lunkombe,