1 Bakalenga 22:20 - MUKANDA WA MYIDI MUKULU

²⁰ Nanku, Maweja-Nangila kukonka ne: “Udi mua kuya kushima Akabe bua kuyaye kuluisha tshimenga tshia Ramote tshidi mu ditunga dia Ngilaade, kumushipelabu mu tshimenga atshi nnganyi?” Kufilabu meji mushilangane.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakakonka ne, Nganyi neadinge Ahaba bua kuyeye kuluangana ne Bena Lamota-gilada ne kuhoneyeku? Mukuabo wakamba mei kampanda ne mukuabo wakamba mei kansanga.

1 Bakalenga 22:20 교차 참조

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

1 Bakalenga 22:21

Nanku, mutumibue uvua ulombola bambi, kusemena kudi Maweja-Nangila, umuambila ne: “Meme nenye kumushima!” Maweja-Nangila kukonka ne: “Neuye kumushima mushindu kaayi?”

1 Bakalenga 4:13

Muana wa Ngebere, ku Ramote, mu Ngilaade, uvua ulombola buloba bua misoku ya Yayire, muana wa Menashe, mu Ngilaade, ne buloba bua Argobe mu mpata ya Bashane. Buloba ebu bujima, buvua ne bimenga makumi asambombu, bivuabu bakolesha ne bimana, kabidi ne biibi bivuabu bakanga ne mulonda wa tshiamu tshikunze.

Yobe 12:16

Amu yeye ke udi ne bukole, anu yeye ke udi utshimuna. Muntu udi upambuka, ne muntu udi upambuisha mukuabu, bonsu babidi mbantu bende yeye.

Yeshaya 6:8

Meme kumvua Maweja-Nangila unkonka ne: — Undi mua kutuma nnganyi? Waya kutuambidila mukenji wetu nnganyi? Meme kuandamuna ne: — Ke meme ewu, untume meme.

Yirmeya 4:10

Nebakeme bamba ne: “Eyi, Maweja-Nangila Mvidi Mukulu uvua ushima bena tshisamba etshi. Uvua udinga bena Yerushalayime, ubalaya ne: nenumone diakalenga. Mpindiewu muele wa mvita ukadi pa kutukosa miminu!”

Yezekiyele 14:9

“Padi muambi utupakana, wandamuna nkayende, ke meme Maweja-Nangila udi muanyishe bua kuakulaye nanku. Kadi nemmuleje bukole buanyi, nemmumushe munkatshi mua bantu banyi bena Izrayele.