1 Bakalenga 21:19 - MUKANDA WA MYIDI MUKULU

¹⁹ Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bûdi nʼabu mbua kumuambila ne, Yehowa udi ukuebesha ne, Wewe wakumushiha bua kubunyenga ku bukole, anyi? Umuambile kabidi ne, Yehowa udi Wamba ne, Mu muaba wakalakila mbua mashi a Nabota mbua neyilake mashi ebe mene mene.

1 Bakalenga 21:19 교차 참조

Genese 3:11

Maweja-Nangila Mvidi Mukulu kumukonka kabidi ne: — Wakujinguluidi ne udi butaka nnganyi? Udi mumane kudia tshimuma tshia mutshi umvua mukukandike anyi?

2 Samuele 12:11

Teleja bimpe tshindi nkuambila: Meme nensake bana ba mu nzubu muebe bua kukukengeshabu. Nengangate bakaji bebe, mbafile kudi muanenu bua kubabuelelaye mu nzubu mu munya, wewe mutangile.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

1 Bakalenga 22:38

Kadi pavuabu basukula ditempu dia Akabe mu dijiba dia mayi dia mu Samariya, mbua kulaka mashi a mukalenga Akabe. Kabidi bakaji bena tshiendenda bavua bowa mayi muaba awu, bu muvua Maweja-Nangila mumane kuamba.

2 Bakalenga 10:10

Nujadike ne: meyi onsu avua Maweja-Nangila muambe bua bena nzubu wa Akabe, adi anu akumbana! Maweja-Nangila ke udi mukumbaje bionsu bivua muambi Eliya muambe mu dina diende.

2 Bakalenga 10:7

Balombodi bapeta mukanda uvua Yehu mubatumine, kutandishabu ndelanganyi ya mukalenga Akabe yonsu makumi muanda mutekete, kuyishipa. Kuelabu mitu yabu mu bibombu, kutumina Yehu mitu ayi mu Yizreyele.

2 Bakalenga 6:32

Diba adi, muambi Elisha uvua wenza tshisangilu ku nzubu kuende ne bakulu ba mu tshimenga. Nanku mukalenga Yorame wa bena Izrayele kutuma muntu kudi Elisha. Kadi muntu awu kayi muanji kufika, Elisha kuambila bakulu abu ne: — Monayi bualu bua dikema! Mukalenga Yorame, mushipianganyi ewu, udi utuma muntu bua kunkosa mutu. Nudimuke, muntu awu yeye mufike, nuinjile tshiibi bua kabuedi to. Tukadi tunwua mene mukalenga Yorame pende ulonda muntu awu panyima.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Yobe 31:39

bualu mvua munowe tshiyi mudime anyi? Bualu tshivua mufute babidime anyi?

Misambu 68:23

Maweja-Nangila uvua muambe ne: “Bantu banyi, nansha nuenu bikale kulu ku mikuna ya Bashane, nansha muinshi mua mayi manene, nennupatulemu, nnupingaje kuenu.

Misambu 9:13

Udi unyoka bashipianganyi, uvuluka bavuabu bakengesha. Kena upua muoyi bena dikenga badi bamubikila.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.

Yezekiyele 46:18

Kadi mukalenga kena mua kunyenga buloba bua muena ditunga. Mukalenga udi mua kuangata amu bitupa bia buloba buende yeye, kubipesha bana bende ba balume bua babipiane. Kena mua kuipata muntu nansha umue, wa ku bantu banyi meme Maweja-Nangila, mu buloba buende.”

Abakuke 2:12

Nudi bena diakabi! Bua kuasa bimenga, nuvua bele mashi a bantu panshi. Tshitaku tshiabi, ke makenga anuvua bakengeshe nawu bantu.

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.