1 Bakalenga 21:1 - MUKANDA WA MYIDI MUKULU

¹ Malu awu mamane kujika, bualu bukuabu kuenzeka mu tshimenga tshia Yizreyele, muvua muntu mukuabu dina diende Nabote. Uvua ne budimi bua mvinyo mu tshimenga atshi, pabuipi ne nzubu kampande wa bukalenga wa Akabe, mukalenga wa Samariya.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua malu â Nabota, Muena Yizelele, wakadi ne budimi bua tumuma tukese mu Yizelele ba buihi ne nsubu wa Ahaba, mukelenge wa mu Samalea.

1 Bakalenga 21:1 교차 참조

2 Bakalenga 9:21

Mukalenga Yorame kutuma diyi bua basuike nyama ya tubalu ku ditempu diende. Pashishe kubandaye mu ditempu. Akaziya, mukalenga wa bena Yuda, kubandaye kabidi mu diende ditempu. Kuyabu kusambakena ne Yehu. Kumusanganabu pabuipi ne budimi buvua bua Nabote, muena Yizreyele.

2 Bakalenga 9:25

Ke Yehu kuambila Bidkare, muambuluishe wende wa mu mvita ne: — Ambula tshitalu tshia Yorame, utshimanshe mu budimi bua Nabote, muena Yizreyele. Bualu dituku dituvua nende babidi, tuya ne mukalenga Akabe ne bantu bakuabu benda bendesha matempu, uvuluke muvua Maweja-Nangila mulaye mukalenga Akabe, tatuende wa Yorame ne:

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Mika 2:2

Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Yoshua 19:18

Mu buloba abu muvua bimenga ebi: Yizreyele, Keshulote, Shuneme,

Balombodi 6:33

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, kudisangisha, kusabuka Yardene. Kuasabu mitanda yabu mu mpata wa Yizreyele.

1 Samuele 29:1

Bena Peleshete kusangisha bena mvita babu bonsu ku Afeke. Bena Izrayele bavua basa mitanda yabu ku mpokolu wa mayi pabuipi ne tshimenga tshia Yizreyele.