1 Bakalenga 20:34 - MUKANDA WA MYIDI MUKULU

³⁴ Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bene-hadada wakamuambila ne, Nenkuhingishile misoko yakanyenga tatu wanyi kuai tatu webe; wewe neudilongoluele misesu mu Damaseke, bu muakadilongoluela tatu wanyi mu Samalea. Ahaba wakamuambila ne, Nenkulekele bua tshihungidi etshi. Nunku wakahunga nʼandi tshihungidi, wakandekela.

1 Bakalenga 20:34 교차 참조

1 Bakalenga 15:20

Benadade kuitaba dilomba dia Asa. Kutumaye bamfumu balombodi ba bena mvita bende bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Bete-Maaka, buloba bua Kinerete, ne buloba bua Naftali buvua bushala.

1 Bakalenga 20:33

Bantu bavua Benadade mutume, kumona ne: mbatuandamune bimpe. Kuitababu lubilu, bamba ne: — Eyowa, Benadade mmuanenu bushuwa! Akabe kubambila ne: — Pinganayi, nuye kumukeba. Benadade kupatuka muaba uvuaye musokome, kuya kudi Akabe. Akabe kumubandisha mu ditempu diende dia mvita.

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

1 Bakalenga 22:31

Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

2 Kulondolola 16:4

Benadade kuitaba dilomba dia Asa. Kutumaye balombodi ba bena mvita bende, bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Mayime, ne bimenga bionsu bia mu buloba bua Naftali bivuabu bateke biakudia.

2 Kulondolola 18:30

Kadi, mukalenga wa bena Arame uvua mukandike bamfumu balombodi ba bena mvita bende, bavua ne matempu ende a mvita, bua kabaluishi bena mvita bakuabu, nansha balombodi ba bena mvita to. Uvua ubambila ne: muluishi wenu ke Akabe, mukalenga wa Izrayele.

Yeshaya 26:10

Kadi padibu bafuile benji ba bibi luse, kabena balonga bidibu ne bua kuenza to. Nansha mu ditunga edi mudi bantu bakutshina, badi benza amu bibi, kabayi bavuluke muudi wewe Maweja-Nangila ne bukole.

Yeshaya 8:12

“Kuidikiji bantu aba, padibu bakula. Kutedi buntomboji, padibu babutela. Kuena ne bua kutshina tshidi tshibakuatshisha bowa. Kuena ne bua kuzakala nanku.”

Dielulula 7:2

Neabafile kunudi, bua mbatshimune bonsu, nubabutule. Kanuena mua kutua nabu ndondu, kanuena mua kubafuila luse.

1 Samuele 11:1

Nakashe, mukalenga wa bena Amone, kuluisha tshimenga tshia Yabeshe tshivua mu Ngilaade. Bena Yabeshe kuambila Nakashe ne: — Utue netu ndondu. Tudi basue kushala bantu bebe.

1 Samuele 15:8

Shawule kushipa bantu bonsu, kushiya amu mukalenga wabu Agage. Kumuelaye mu lukanu.

1 Samuele 15:9

Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.