1 Bakalenga 2:28 - MUKANDA WA MYIDI MUKULU

²⁸ Yowabe mumane kumvua bionsu bivua bienzekela Adoniya ne Abiyatare, kunyemaye. Kuyaye kusokoma mu ntenta wa Maweja-Nangila, pabuipi ne tshilambuilu. Bangabanga, Yowabe kavua muditue ku tshia Absalome nansha. Kadi mpindiewu kumvuanganaye ne Adoniya.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Lumu luakafika kudi Yoaba; bualu bua Yoaba wakalonda Adoniya, kadi yeye kakalonda Abashaloma. Yoaba wakanyemena mu Ntenta wa Yehowa, wakakuata ku nsengu ya tshishihelu.

1 Bakalenga 2:28 교차 참조

2 Samuele 17:25

Absalome uvua mumane kusungula Amasha bua kuikalaye mfumu wa bena mvita, mupingana muaba wa Yowabe. Amasha uvua muana wa Yetere, muena Izrayele. Yetere uvua musele Abigale, muana wa Nakashe, kabidi muanabu wa Seruya, mamuende wa Yowabe.

2 Samuele 18:2

Kupeshaye mansebende Yowabe, muana wa Seruya, tshia bisatu tshimue tshia bena mvita. Kupeshaye Abishayi muanabu ne Yowabe tshia bisatu tshimue kabidi. Kupeshaye Itayi wa mu tshimenga tshia Ngate tshia bisatu tshikuabu. Kumanyishaye bena mvita ne: netuye nenu mu mvita.

1 Bakalenga 1:50

Adoniya kuzakala bikole, utshina Shelomu. Kunyemenaye pabuipi ne tshilambuilu, kukuataye ku nsengu yatshi.

1 Bakalenga 1:7

Adoniya kutuadija kumyuangana ne Yowabe, muana wa Seruya, mfumu wa bena mvita. Kumvuanganaye kabidi ne mutuangaji Abiyatare. Bonsu babidi kuditua ku tshiende.

Ekesode 21:14

Pikala muntu mutekete mukuende tshiji, mumushipe ku bukole ne budimu, nansha yeye ku tshilambuilu tshianyi, numukuate numushipe.

Ekesode 27:2

Mu matumba onsu anayi a tshilambuilu, ulamikamu nsengu ya mabaya milamakane ne tshilambuilu. Kabidi, tshilambuilu tshijima tshikale tshilamike tshiamu tshikunze.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”