1 Bakalenga 18:18 - MUKANDA WA MYIDI MUKULU

¹⁸ Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakamukudimuna ne, Tshiakatatshisha Bena Isalele, kadi anu wewe ne ba mu nsubu wa tatu webe, bualu bua nuenu nuakahetula mikenji ya Yehowa, nuakalonda Bâla.

1 Bakalenga 18:18 교차 참조

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 16:32

Kuibakilaye mvidie Baale nzubu wa ditendelela mu tshimenga tshia Samariya amu. Kuasaye tshilambuilu mu nzubu amu bua kulambuilamu Baale milambu.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

1 Bakalenga 21:26

Mukalenga Akabe udi mutambe kuenza bibi, nangananga padiye utendelela mvidie bu muvua bena Amore batendelela. Bena Amore ke bavua Maweja-Nangila muipate mu ditunga bua kushilabu bena Izrayele muaba.

1 Bakalenga 9:9

Nebabandamune ne: “Bualu bena Izrayele mbatombokele Maweja-Nangila Mvidi Mukulu wabu, uvua mupatule bankambua babu mu Ejipitu. Maweja-Nangila udi ubakengesha nunku, bualu bavua batendelela mvidie mikuabu.”

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

2 Kulondolola 28:19

Maweja-Nangila kukuatshisha bena bukalenga bua Yuda bundu, bualu mukalenga Akaze uvua mufikishe bantu ku dilengulula Maweja-Nangila. Yeye mene kavua muitabe Mvidi Mukulu.

Nsumuinu 11:19

Udi mushindame bua kuenza bidi Mvidi Mukulu musue, neapete muoyi. Kadi udi musungule bubi neafuilemu.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Nsumuinu 28:4

Badi kabayi balonda mikenji ya Mvidi Mukulu badi batumbisha bantu babi. Kadi badi bayilonda badi badiwula bantu abu.

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Yirmeya 38:4

Balombodi ba bena mvita aba mbamane kumvua muvua Yirmeya muambe, kuambilabu mukalenga Sedekiya ne: — Tudi tulomba bua kushipa Yirmeya ewu. Bionsu bidiye wamba, bidi bitekesha bikole bena mvita ne bantu badi bashale mu tshimenga. Muntu ewu udi utukebela amu diakabi. Kena bualu ne diakalenga dietu to.

Yezekiyele 3:8

Kadi nenkupeshe tshitunu tshikole bu tshiabu, ne muoyi mupape bu wabu.

Matayi 14:4

Bualu Yowanane uvua mubele Erode ne: — Kuena mua kuangata Erodiyade bu mukajebe nansha!

Bienzedi 24:13

Bantu aba kabena mua kukujadikila bidibu bamfunde abi to.

Bienzedi 24:20

Kadi udi mua kuebeja kabidi bantu badi apa. Babambile tshilema tshivuabu bansangane natshi, pavuabu bandumbuluisha mu Tshipangu tshikulu tshiabu.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

1 Samuele 14:29

Yonatane kuamba ne: — Tatu mmukengeshishe ditunga edi! Mona katshia ngadia buitshi bukese, ndi mupete bukole.