1 Bakalenga 12:22 - MUKANDA WA MYIDI MUKULU

²² Kadi, Mvidi Mukulu kuyukila ne muambi Shemaya, umuambila ne:

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi dî dia Nzambi diakalua kudi Shemaya, muntu wa Nzambi, ne,

1 Bakalenga 12:22 교차 참조

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

1 Bakalenga 13:11

Kadi, mu Betele muvua muambi mukuabu mukulakaje. Bana ba muambi awu, kumuambila bionsu bivuabu benza mu Betele kudi muambi uvua mufume mu ditunga dia bena Yuda, kabidi bionsu bivua muambi awu muambile mukalenga Yerobowame.

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

1 Bakalenga 17:24

Mukaji kumuambila ne: — Mpindiewu ndi njadika ne: wewe udi muambi wa Mvidi Mukulu, kabidi ne: udi wakula mu dina dia Maweja-Nangila bulelela.

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

2 Bakalenga 4:22

kubikila bayende, umuambila ne: — Ntumina muena mudimu ne nyama wa mpunde. Ndi nya lukasa kudi muambi wa Mvidi Mukulu. Nempingane.

2 Bakalenga 4:25

Mukaji kuya, ulonda njila wa ku mukuna wa Karmele bua kumonangana ne muambi Elisha. Muambi Elisha umona mukaji utshidi pa bule, kuambila muena mudimu wende Ngeyazi ne: — Tangila, ke mukaji utu ungakidila ku Shuneme wawa.

2 Bakalenga 4:27

Kadi, mukaji ufika pabuipi ne muambi Elisha ku mukuna wa Karmele, kudiela panshi, kumukuata ku makasa. Ngeyazi uvua musue kumusakila. Kadi Elisha kumukandika ne: — Mulekela! Udi ne dibungama. Tshiena mumanye kudidi difuma, bualu Mvidi Mukulu kena mungambile.

2 Bakalenga 4:7

Mukaji kuya kuambila muambi Elisha bionsu abi. Muambi Elisha kumuandamuna ne: — Uye kusumbisha mafuta awu, ufute dibanza. Kadi makuta adi ashale neakuambuluishe ne bana bebe.

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

2 Kulondolola 11:2

Kadi Maweja-Nangila kuyukila ne muambi Shemaya, umuambila ne:

2 Kulondolola 12:15

Malu a mukalenga Robowame a ku ntuadijilu too ne a ku ndekelu mbaafunde mu mukanda udibu binyika ne: Malu a muambi Shemaya ne a muambi Ido. Bavua bafundamu mena a ndelanganyi. Robowame uvua anu uluangana misangu yonsu ne Yerobowame.

Yirmeya 35:4

Kubabuejaye mu nzubu wa Mvidi Mukulu, mu tshibambalu tshia balongi ba Anane, muntu wa tshijila, muana wa Igdaliya. Tshibambalu etshi tshivua pabuipi ne tshia bamfumu ba nzubu. Tshivua kabidi kulu ku mutu kua tshibambalu tshia Masheya, muana wa Shalume, mutuangaji uvua ne mudimu wa kulama tshibuelelu tshia nzubu wa Mvidi Mukulu.

Dielulula 33:1

Moshe, muntu wa Mvidi Mukulu kayi muanji kufua, kuelaye bisamba dikumi ne bibidi bia Izrayele lupemba, wamba ne:

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.