1 Bakalenga 12:11 - MUKANDA WA MYIDI MUKULU

¹¹ Tatu wanyi mmunuambuishe bujitu ku mutshi wa kuambula nawu bujitu. Kadi meme, nensakidila bujitu bukuabu ku mutshi aku. Tatu wanyi uvua unukengesha, unutuuta mikaba bitekete. Kadi meme nennukengeshe, nnutuute mikaba misuika tukanu.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tatu wanyi wakanunemeshila mutshi wa tshikokedi wa bujitu, kadi meme nennukumbashile majitu makuabo: tatu wanyi wakamutuma ne nsokotshi, kadi meme nennukume ne tuminyiminyi.

1 Bakalenga 12:11 교차 참조

1 Bakalenga 12:10

Bansongalume, bena mulongu nende kumuandamuna ne: — Bantu abu badi banyingalala, bualu tatuebe Shelomu uvua ubakengesha bu bapika. Kabidi badi bakulomba bua wewe kubakepeshila dikenga adi. Nanku, ubandamune mushindu ewu: “Munu wanyi wa kantengenene mmunene mupite diboku dia tatu wanyi.

1 Bakalenga 12:12

Matuku asatu akumbana, Yerobowame ne bena Izrayele bonsu kuya kudi Robowame, bu nuwuaye mubalaye.

1 Bakalenga 12:14

bilondeshile lungenyi luvuabu bamupesha kudi bansongalume, bena mulongu nende. Robowame kuambila bena Izrayele ne: — Tatu wanyi uvua munuambuishe bujitu ku mutshi wa kuambula nawu bujitu. Kadi meme, nensakidila bujitu bukuabu ku mutshi aku. Tatu wanyi uvua unukengesha, unutuuta mikaba, kadi meme, nennukengeshe, nnutuute mikaba misuika misonsu.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

Ekesode 5:18

Nanku pinganayi ku midimu yenu. Kabena banupesha bisosa to. Nuenze madiotu anu bungi bua tshibidilu.

Muambi 10:16

Ditunga didi ne mukalenga utshidi muana ne bamienampala basombele amu kudia, nditunga dia diakabi!

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yirmeya 27:11

Kadi pikala bena tshisamba kampanda mua kuambula mutshi wa bupika udi mukalenga wa mu Babilone muteke pa makaya abu, bitabe ku diyi diende, nebashale mu buloba buabu. Nebasombe, badime. Ke mundi meme Maweja-Nangila ngamba nanku.

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

1 Samuele 8:18

Pashishe nenudidile Maweja-Nangila bua mukalenga unuikala badisunguile awu. Kadi Maweja-Nangila kakunuteleja to.